Məhəmməd Tahir Züheyr Talibana təslim olub + FOTO

Əfqanıstanın əvvəlki hökumətində informasiya və mədəniyyət naziri və Bamyan qubernatoru olan Məhəmməd Tahir Züheyr iki illik anti-Taliban fəaliyyətindən sonra öz mübarizəsini dayandırıb və mayın 11-də Samanqan əyalətinin Dara Suf Bala rayonunda Taliban silahlı qüvvələrinə təslim olub. Yerli mənbələr də Talibanın Samanqan əyalətinin informasiya və mədəniyyət rəhbəri Firuziddin Munib-ə istinadən bu xəbəri təsdiqləyib və əlavə edib ki, Məhəmməd Tahir Züheyr yaxın günlərdə Kabilə köçürüləcək.

Qeyd edək ki, Taliban kəşfiyyat idarəsi martın 1-də Tahir Züheyrə təzyiq etmək üçün onun ailəsinin 5 üzvünü, o cümlədən 3 qardaşını Bamyan vilayətində həbs etmişdi. Həmçinin, əvvəlki hökumətdə millət vəkili olmuş doktor Cəfər Məhdəvi, Talibanın Yollar və Şəhərsalma Nazirliyinin rəhbəri cənab Mədar Əli Kərimi və Seyid Sufi Qardizinin vasitəçiliyidə ailə üzvlərinin həyatını xilas etmək və Talibana qarşı silahlı müqaviməti dayandırması üçün Tahir Züheyrin təslim olmasında təsirli olub.

Məhəmməd Tahir Züheyr Əfqanıstanın əvvəlki hökumətində informasiya və mədəniyyət naziri və Bamyanın qubernatoru olub. Əşrəf Qəni hökumətinin süqutundan və Talibanın güclənməsindən sonra yerli anti-Taliban komandirləri ilə birlikdə çalışıb. Moləvi Mehdi Mücahidin Talibanla münaqişəsindən sonra onun köməyinə gedib və məğlubiyyətdən sonra Bamyan və Samanqan əyalətlərinin dağlıq ərazilərinə qaçıb. Onun Bamyan valiliyi dövründə Sərdar Qaani ilə mübahisəli görüşünün şəkillərinin yayılması 2019-cu ildə diqqət çəkən xəbərlərdən biri idi.