Orta Asiyada baş verən son hadisələr, 20 İyul 2023

Əfqanıstan:
1- Kabil:
-İyulun 9-da Taliban hökumətinin Daxili İşlər Nazirliyinin Kəşfiyyat İdarəsi məktub vasitəsilə ölkə daxilindəki bütün Taliban təhlükəsizlik komandirlərinə Taliban rəsmilərinin Həcc ziyarəti üçün keçirilən qəbul mərasimi zamanı İŞİD tərəfindən kamikadze hücumların baş verməsi barədə xəbərdarlıq edib.

-İyulun 15-də Əhməd Məsud qüvvələrinin Şəkərdərə rayonunda yerləşən Bazar Qaza kəndində Taliban məntəqəsinə hücumu nəticəsində dörd Taliban silahlısı öldürülüb və yaralanıb.
-İyulun 16-da Taliban kəşfiyyat idarəsinin Baqrami rayonunda yerləşən Mirvais qəsəbəsində İŞİD-in sığınacağına qarşı keçirdiyi əməliyyat nəticəsində iki İŞİD üzvü öldürülüb, biri qadın və bir uşaq olmaqla iki nəfər həbs edilib.

2- Ğor:
İyulun 15-də Dolina rayonunda puştun və tacik əsilli Taliban silahlıları arasında baş vermiş daxili qarşıdurma nəticəsində Dolina şəhərində Taliban icra hakimi Molla Ramazan da daxil olmaqla bir neçə tacik Taliban silahlısı öldürülüb və yaralanıb.

3- Kapisa:
İyulun 11-də II Hessa rayonunda yerləşən Mirveys kəndində Əhməd Məsud qüvvələrinin Taliban məntəqəsinə hücumu nəticəsində üç Taliban silahlısı öldürülüb və yaralanıb.

4- Bəlx:
İyulun 7-də puştun əsilli Taliban silahlıları Çaharbuluk-Məzari-Şərif şəhəri yolunda əvvəlki hökumətdə Çaharbuluk rayonunun polis komandiri və Camiəti İslaminin icraçı sədri Əta Məhəmməd Nura yaxın şəxslərdən biri olan Ləəl Məhəmməd Qəribzadəni güllələyiblər. Qeyd edək ki, Qəribzadə İrandan Əfqanıstana Taliban hökumətinin rəsmiləri ilə təmas komissiyasının məsləhəti və zəmanəti ilə qayıtmışdı.

5- Meydane Vərdək:
İyulun 15-də Bəlucistan əyalətinin Jub bölgəsində Pakistan ordusunun bazasına təşkil edilən hücumda həlak olan “Təhrik-e-Cihad Pakistan”ın (TJP) üzvü Höcətullah Reyhanın Fatihə mərasimi Taliban hökumətinin Rifah və Şəri Qadağanetmə Nazirliyi tərəfindən Şəhr meydanında keçirilib.

Daha çox oxuyun: “Təhrik-e-Cihad Pakistan”ın Bəlucistanda Pakistan Ordusuna qarşı ikinci ölümcül hücumu + VİDEO və FOTO

6- Hərat:
İyulun 11-də Taliban hökumətinin sözçüsü Zəbihullah Mücahid Hərat şəhərində görüş zamanı deyib: “Biz əvvəlki hökumətin rəsmilərindən və nüfuzlu şəxslərdən ölkəyə qayıtmalarını və xalqlarının yanında olmalarını xahiş edirik. Əmir İsmayıl Xan da daxil olmaqla, xaricdə olan yüzlərlə keçmiş məmurları geri qayıtmağa və evlərinə gəlməyə dəvət edirik. Onların namusu qorunacaq, onlarla problem olmayacaq və nəticədə ölkəmizə daha çox birlik, həmrəylik qayıdacaq”.

7- Nənqərhar:
İyulun 16-da Əfqanıstan Milli İslam Azadlıq Hərəkatı qüvvələrinin Taliban silahlılarının Kame rayonundakı forpostuna hücumu nəticəsində 6 Taliban silahlısı öldürülüb və yaralanıb.

8- Cəuzcan:
Talibanın Cəuzcan vilayətində yerləşən Ağçe rayonundakı kəşfiyyat idarəsinin silahlı şəxsləri general Dostumun komandanlığı altında olan qüvvələrə sığınacaq vermək və general Dostumun hərbi texnikasını gizlətmək ittihamı ilə Qari İsmayıl Rasixin evini mühasirəyə alaraq axtarış aparıblar.
Bu yoxlamalar zamanı general Dostumun qüvvələrinə məxsus külli miqdarda yüngül və ağır silahlar, hərbi-kommunikasiya vasitələri, partlayıcı maddələr və bir neçə zirehli texnika aşkar edilib.
Qari İsmayıl Rasix Talibanın Əfqanıstanda hökmranlığının əvvəlində Cəuzcan vilayətində bu qrupun icra hakimi, sonra isə Talibanın Paktiya vilayətindəki 203-cü Mənsuri diviziyasının komandiri təyin edildi.

9- İyulun 11-də Talibanın Qətərdəki siyasi ofisinin rəhbəri Süheyl Şahin Əfqanıstan və Pakistan arasındakı ümumi sərhəd haqqında dedi: “Dürand sərhəd xətti Əfqanıstan və Pakistan arasındakı rəsmi sərhəd deyil, ingilis müstəmləkəçilərinin yaratdığı fərziyyə xəttidir. Talibanın Qətərdəki siyasi ofisinin rəhbəri həmçinin Əfqanıstanda Təhrik-e-Taliban Pakistan (TTP) silahlılarının olmasını qəti şəkildə təkzib edib və bu qruplaşma döyüşçülərinin Pakistanın qəbilə bölgələrində olduğunu iddia edib”.

10- İyulun 10-da İranın Sistan və Bəlucistan əyalətinin Saravan şəhərinin icra hakimi Səid Təclili bu şəhərdə Əfqanıstan vətəndaşlarına məxsus bir neçə mağazanın yandırılması ilə bağlı yayılan xəbərləri təkzib edərək, yalan xəbərlər yaymaqda, xalqın təhlükəsizliyini və əmin-amanlığını pozmaqda məsul şəxslərlə mübarizə aparacağını bəyan edib.

11- İyulun 15-də ABŞ dövlət katibinin Cənubi və Orta Asiya üzrə köməkçisinin müavini Elizabet Hurst ABŞ Konqresinin Nümayəndələr Palatasında keçirdiyi görüşdə “Əfqanıstanda olan Əl-Qaidə ABŞ üçün təhlükədir, ya yox?” sualına belə cavab verib: “Biz artıq Əl-Qaidənin Əfqanıstandan Amerika üçün təhlükə yarada biləcəyi bir mərkəz olduğuna inanmırıq və Əfqanıstandan Amerikaya təhlükə yaranarsa, Amerika bu təhlükəyə qarşı birtərəfli hərəkət edəcək”.

Daha çox oxuyun: Taliban Əl-Qaidə üzvlərini Amerikaya satdı!

Özbəkistan:
1- İyulun 11-də sionist rejimin Daşkənddəki səfiri Zəhavit bin Hillel Özbəkistanın kənd təsərrüfatı nazirinin müavini Omid Məhəmməd Əminov ilə görüşüb və ikitərəfli əməkdaşlıq məsələlərini müzakirə edib. Bu görüşdə Blastein Səhra Tədqiqat İnstitutunun rəhbəri professor Noam Weisbrod və İsrail Fermerlər Federasiyasının baş katibi Avşalom Vilan da iştirak edib.

Tacikistan:
1- İyulun 13-də Tacikistanın maliyyə naziri Feyzuddin Qəhharzadə və Amerikanın Tacikistandakı səfiri Manuel Maykl görüşərək insan kapitalının artımı və enerji sahəsində investisiya qanunlarına yenidən baxılmasını müzakirə ediblər.

Daha çox oxuyun: Tacikistan hərbi təlim sahəsində Avropa və Amerika ilə əməkdaşlıqlarını gücləndirir

Pakistan:
1- Bəlucistan:
İyulun 13-də Sui bölgəsində naməlum silahlı şəxslərlə (ehtimal ki, Təhrik-e-Taliban Pakistan) Pakistan ordusu qüvvələri arasında baş verən toqquşma nəticəsində Pakistan ordusunun 3 əsgəri həlak olub.

2- Hayber-Paxtunxva:
-İyulun 9-da Mərdan bölgəsində Təhrik-e-Taliban Pakistan (TTP) ilə Pakistan polis qüvvələri arasında toqquşma nəticəsində bir Pakistan polisi yaralanıb.
-İyulun 16-da Şimali Vəziristan bölgəsinin Dərzi Xeyl məntəqəsində Təhrik-e-Taliban Pakistan (TTP) ilə Pakistan Ordusu qüvvələri arasında baş verən toqquşma nəticəsində bir pakistanlı əsgər həlak olub.
-İyulun 16-da Pakistan ordusunun Şimali Vəziristan bölgəsində yerləşən Əhməd Xeyl kəndindəki nəzarət-buraxılış məntəqəsinə Təhrik-e-Taliban Pakistan (TTP) silahlılarının hücumu nəticəsində iki pakistanlı əsgər həlak olub və yaralanıb.

3- İslamabad:
İyulun 16-da Pakistanın baş naziri Şahbaz Şərif bəyan edib ki, onun hökuməti federal parlamentin səlahiyyət müddətinin bitməsinə az qalmış hakimiyyəti müvəqqəti hökumətə təhvil verəcək və Pakistan Seçki Komissiyası növbəti parlament seçkilərinin tarixini sentyabr və ya oktyabrda elan edəcək.
Pakistanın Şahbaz Şərifin rəhbərlik etdiyi koalisiya hökumətinin səlahiyyət müddəti avqustun 14-də başa çatır, lakin naməlum səbəblərə görə Şahbaz Şərif planlaşdırılan tarixdən tez istefa verməyə hazırlaşır.

4- Sind:
İyulun 13-də Kəraçinin Naderxeyl bölgəsində Pakistan polis qüvvələrini daşıyan avtomobilin yolunda bombanın partlaması nəticəsində üç pakistanlı polis ölüb və yaralanıb.