İraqda baş verən son hadisələr, 14 Noyabr 2022

1- Bağdad:

– Noyabrın 7-da naməlum silahlı şəxslər Bağdadın mərkəzindəki Əl-Kərrade ərazisində avtomobilə atəş açıb, nəticədə Amerika vətəndaşı həlak olub. Həmin şəxsin ABŞ Beynəlxalq İnkişaf Agentliyinin (USAID) üzvü olduğu bildirilir.

Daha çox oxuyun: Bağdadda Amerika vətəndaşının qətli və kanadalı əsgərin şübhəli ölümü + FOTO

– Noyabrın 8-də İraqın Baş naziri və Silahlı Qüvvələrinin Ali Baş Komandanı Məhəmməd Şəyya Əl-Sudani Bağdadda Amerika vətəndaşının qətlinin araşdırılması üçün istintaq komitəsinin yaradılması barədə göstəriş verib.

– Noyabrın 9-da ABŞ-ın İraqdakı səfiri Alina Romanovski bu ölkə vətəndaşının Bağdadda öldürülməsinə münasibət bildirərək bu şəxsin vəhşicəsinə öldürüldüyünü iddia etdi.

– Noyabrın 12-də İraq təhlükəsizlik qüvvələri Bağdadın şimalında yerləşən Tarimiyyə bölgəsində bir neçə İŞİD terrorçusunu həbs edib.

2- Səlahəddin:

Noyabrın 11-də Həşd-Şəbi Təşkilatının 31-ci briqadasının döyüşçüləri polis və İraq ordusunun müşayiəti ilə İŞİD ünsürlərini təqib etmək və həbs etmək üçün Bici şəhərinin ətrafında yerləşən “Əs-Siniyyə” bölgəsində təhlükəsizlik əməliyyatına başlayıb.

3- Kərkük:

Noyabrın 12-də İraq ordusu qırıcılarının Kərkükün cənubunda İŞİD-in sığınacaqlarına hücumları nəticəsində bu terror qruplaşmasının 5 üzvü öldürülüb.

4- Əl-Ənbar:

Noyabrın 13-də Həşd-Şəbi Təşkilatının 45-ci briqadasının 3 döyüşçüsü Əl-Ənbar vilayətində tapşırılan missiyanı yerinə yetirərkən şəhid olub.

5- Noyabrın 13-də İraq məhkəməsi Əfqanıstan vətəndaşını İŞİD terror qruplaşmasının üzvü olmaq və İraq sabitliyi naminə təhdid ola bilməsi üçün edam cəzasına məhkum edib.

6- Noyabrın 14-də İran silahlı qüvvələri İraqın Süleymaniyyə şəhərinin cənubunda, Köysancaq qəsəbəsinin ətrafında və Sidkan yüksəkliklərində terrorçu qrupların mövqelərini raket və dronlarla hədəfə alıb.

Daha çox oxuyun: SEPAH İraqın Kürdüstan bölgəsindəki terror qruplaşmalarına raket və dron hücumu edib + VİDEO və FOTO

7- Noyabrın 14-də İraq Kürdüstanının Baş naziri Məsrur Barizani İran silahlı qüvvələrinin İraq Kürdüstanında terrorçu qrupların mövqelərinə hücumunu bölgənin suverenliyinə təcavüz kimi qiymətləndirib və qınayıb.

8- Noyabrın 14-də İraqın İstanbuldakı konsulluğu ötən gün bu şəhərdə baş verən partlayış nəticəsində 4 İraq vətəndaşının yaralandığını açıqlayıb.

Daha çox oxuyun: İstanbulda partlayış baş verib + VİDEO

9- Noyabrın 14-də ABŞ-ın İraqdakı səfiri Alina Romanovski, “İranın İraq Kürdüstanına hücumunu qınayırıq və İrandan İraqın suverenliyini pozan hücumlarını dayandırmasını tələb edirik” dedi.