Rəisi: İran regionun siyasi coğrafiyasında heç bir dəyişikliyi qəbul etmir

Seyid İbrahim Rəisi Ermənistanın baş naziri Nikol Paşinyanın telefon zənginə cavab verərək iki ölkə arasındakı münasibətləri dərin adlandırıb, Tehran və İrəvan arasında davamlı iqtisadi əməkdaşlıq səviyyəsinin artırılmasının zəruriliyini vurğulayıb.

Prezident Rəisi Qafqazda ötən günlərin münaqişələrinə toxunaraq deyib: Üçtərəfli atəşkəs bəyanatını imzalayan dövlətlərin Qafqaz regionunda onun müddəalarına sadiq qalması, qalan məsələlərin isə dialoq və diplomatik həll yolları ilə sülh və təhlükəsizliyin yaradılması ən yaxşı yoldur.

Seyyid İbrahim Rəisi, inqilabın ali rəhbərinin Rusiya və Türkiyə prezidentləri ilə bu yaxınlarda keçirilən görüşdə İran İslam Cümhuriyyətinin Qafqaz regionunda öz sərhədlərinə qarşı həssaslığı və bu sərhədləri dəyişdirmək cəhdinə qarşı çıxması ilə bağlı strateji bəyanatlarına toxunaraq, bu məsələyə aydınlıq gətirib: İran regionun siyasi coğrafiyasında heç bir dəyişiklik etməyəcək. Qafqaz regionunda sülh və sabitliyin bərqərar olması və inkişafı üçün bütün imkanlarını qəbul etməyə və işə salmağa hazırdır.

Ermənistanın baş naziri Nikol Paşinyan da bu telefon danışığında Ermənistanla Azərbaycan arasında baş verən son münaqişələr barədə ətraflı məlumat verib.

Ermənistanın baş naziri də Tehran-İrəvan əlaqələrinin inkişafından məmnunluğunu ifadə edib və ölkəsinin iki ölkə arasında yüklərin tranzitini asanlaşdırmağa və infrastruktur, o cümlədən yol və enerji sahələrində əməkdaşlığı artırmağa hazır olduğunu vurğulayıb.