İrandan Bakıya işləməyə gələnlər dünyalarını dəyişdikləri zaman bu qəsəbədə dəfn olunurdular. Onların dəfn olunduğu ərazinin adı Salam təpəsidir. Bu təpə Bülbülə ilə Bakıxanov qəsəbəsi arasında yerləşir və həmşəhərli qəbristanlığı adı ilə tanınır.
Biləcəri qəsəbəsi Binəqədi rayonunun inzibati ərazisinə daxil olan, rayon mərkəzindən 4,5 km aralıda, Abşeron yarımadasının qərbində yerləşən qədim yaşayış məntəqəsidir.
Nardaran qəsəbəsində yerləşən məşhur ziyarət kompleksi Həzrət İmam Museyi-Kazimin (ə) qızı, İmam Rzanın (ə) bacısı Xanım Rəhimənin (ə) adı ilə bağlıdır. O Xanım (ə) Harun ər-Rəşid və Məmunun xilafəti dövründə Azərbaycana pənah gətirən Peyğəmbər (s) nəslinin nümayəndələrindən biridir.
Nardaran – Bakının Sabunçu rayonunda, Bakıdan 25 kilometr şimalda yerləşir. Kəndin adının mənası barədə müxtəlif versiyalar söylənilir. Amma ən çox ehtimal olunan mənaları mətndə qeyd olunanlardır.
Bibiheybət (Xanlar 1936–1992) Bakının Səbayıl rayonunda şəhər tipli qəsəbədir. XX əsrin əvvəllərinə qədər Şıx, 1936-cı ildə Xanlar adı verilmiş və qəsəbə statusu almışdır. 1992-ci il 29 aprel tarixində Azərbaycan Respublikası Ali Sovetinin Milli Şurasının qərarı ilə Bakı şəhəri Səbayıl rayonu Xanlar qəsəbəsinin adı dəyişdirilərək Bibiheybət qəsəbəsi adlandırılmışdır.
