Talibanın kəşfiyyat direktoru Kabilin Şakardara rayonunda öldürülüb

Əhməd Məsud qüvvələrinin Kabilin Şakardara rayonunda yerləşən Muradbeq kəndində Taliban silahlılarını daşıyan avtomobilə qarşı pusqu qurması nəticəsində Şakardara rayonunun kəşfiyyat direktoru Qari Bismillah da daxil olmaqla 3 Taliban silahlısı öldürülüb.

Qari Bismillah Talibanın Şakardara rayonunun kəşfiyyat direktoru kimi eyni zamanda Kabil şəhərində Taliban polisinin təhlükəsizlik komandanlığının cinayət axtarış şöbəsinin müavini olub.

Talibanın təhlükəsizlik və kəşfiyyat məmurlarının Əhməd Məsud qüvvələri tərəfindən öldürülməsi son bir həftə ərzində artıb və Qari Bismillahın öldürülməsi Əhməd Məsud qüvvələrinin Kabil vilayətində həyata keçirdiyi ikinci sui-qəsd əməliyyatıdır.