Camaat Nüsrətül-İslam və Əl-Muslimin qruplaşmasının Burkina Fasodakı son üç ay ərzində törətdiyi cinayətləri + FOTO

“İslam Dünyası Xəbərləri” informasiya agentliyi saytının məlumatına görə, Sahil bölgəsində Əl-Qaidə ilə əlaqəli bir neçə ekstremist qrupdan ibarət “Camaat Nüsrətül-İslam və Əl-Muslimin” terror qruplaşması son üç ayda Afrikanın Sahil bölgəsində xüsusilə iki ölkə Mali və Burkina Fasoda fəaliyyətlərini artırıb. Son üç ayda bu qruplaşma əməliyyatlarının böyük hissəsini Burkina Fasoda cəmləşdirib və bu qruplaşmanın Burkina Fasodakı əməliyyatları bu qruplaşmanın Malidəki əməliyyatlarından bir qədər çoxdur. Camaat Nüsrətül-İslam və Əl-Musliminin bölgələr üzrə fəaliyyətlərinin təfərrüatları belədir:

Şərqi Burkina Faso:
-Cümə axşamı, aprelin 27-də Camaat Nüsrətül-İslam və Əl-Muslimin ünsürləri Burkina Fasonun şərqindəki Fada və Matiakvali arasındakı Ouqaro bölgəsində Burkina Faso hərbi postuna hücum etdi və Burkina Faso hərbi qüvvələrinin 21 üzvünü öldürdü.
-Camaat Nüsrətül-İslam və Əl-Muslimin silahlıları mayın 12-si cümə günü Burkina-Faso qüvvələrini Burkina Fasonun şərqində və Niger sərhədi yaxınlığında yerləşən Tapua əyalətinin Foubri bölgəsində pusquya salıb və 5 nəfəri öldürüb.
-Şənbə günü, mayın 13-də bu ünsürlər Burkina-Faso qüvvələrinə məxsus motosikletin yolunda yolda yerləşdirilmiş bombanı partladıb və orada olanları öldürüblər.

Mərkəzi Şərq Bölgəsi:
-Bazar ertəsi, iyunun 26-da bu qruplaşma Burkina-Fasonun cənub-şərqində və Toqo sərhədi yaxınlığında yerləşən Sanqa bölgəsində hökumət qüvvələri ilə toqquşdu və onlardan 15-ni öldürdü.
-Şənbə günü, iyulun 8-də, bu ölkənin cənub-şərqində, Burkina Fasonun şərq-mərkəzi hissəsində, Tenkodqo əyalətində yerləşən Samqa bölgəsində “Camaat Nüsrətül-İslam və Əl-Muslimin” üzvləri hökumət qüvvələri ilə toqquşdu və onlardan yeddisini öldürdü.

Sahil bölgəsi:
-Bu qruplaşmanın ünsürləri aprelin 30-da bazar günü Burkina Fasonun şimalındakı Sahil bölgəsinin Keri bölgəsində təhlükəsizlik qüvvələrinə hücum edərək 2 nəfəri öldürüblər.
-Çərşənbə günü, mayın 3-də Burkina-Fasonun şimal-şərqindəki Sahil bölgəsindəki Tankadqou əyalətinin Bani bölgəsində Camaat Nüsrətül-İslam və Əl-Muslimin ünsürləri Burkina Faso qüvvələri ilə toqquşub və bir nəfəri əsir götürüb.
-Bu qruplaşma, həmçinin Burkina-Fasonun şimalında yerləşən Jibo əyalətinin Mento bölgəsində hökumət qüvvələrinin hərbi avtomobilini yol kənarında yerləşdirilmiş bomba ilə sıradan çıxarıb.
-Bazar ertəsi, İyunun 26-da Camaat Nüsrətül-İslam və Əl-Muslimin ünsürləri Burkina Faso qüvvələrinin Cibo və Konqosi arasındakı yolda, Burkina-Fasonun şimal-mərkəzi hissəsində Sahil və Noord Şimal arasında yerləşən yolda Burkina Faso qüvvələrinin böyük bir kolonnasına hücum etdi və təxminən 100 nəfəri öldürdü. 30 avtomobili yandırdı, 15 avtomobili və 65 motosikleti qənimət götürdü.

Qərbi Burkina Faso:
-Bazar ertəsi, mayın 1-də Camaat Nüsrətül-İslam və Əl-Muslimin qruplaşması Burkina-Fasonun qərbində Bobodiolaso ​​və Didoqo arasında Burkina Faso qüvvələrini pusquya saldı və üç nəfəri öldürdü.
-Mayın 27-də şənbə günü Camaat Nüsrətül-İslam və Əl-Muslimin ünsürləri Burkina-Fasonun qərbində yerləşən Didoqo əyalətində Didoqo və Nona arasında Burkina Faso qüvvələrini pusquya salaraq onlardan 32-ni öldürüblər.
-Bazar günü, iyunun 18-də Burkina-Fasonun mərkəzi qərbindəki Nayala əyalətində yerləşən Yanqa kəndində bu qruplaşmanın ünsürləri hökumət qüvvələri ilə toqquşub və onlardan ikisini öldürüb.

Cənub-Qərbi Burkina Faso:
-Çərşənbə axşamı, mayın 16-da bu qruplaşmanın ünsürləri Burkina-Fasonun cənub-qərbində yerləşən Banqura əyalətinin Bolon və Lingkoro iki şəhəri arasında, Burkina Faso hökumət qüvvələrinin hərbi maşınının yolunda bomba partladıblar və sərnişinlərin hamısını öldürüblər.
-Çərşənbə axşamı, iyunun 6-da bu qruplaşmanın ünsürləri Burkina-Fasonun cənub-qərbində, Fil Dişi Sahili sərhədi yaxınlığında yerləşən Yendere kəndində hökumət qüvvələrinin qərargahını ələ keçirib və iki hökumət qüvvəsini öldürüblər.
-Çərşənbə axşamı, İyunun 27-də Camaat Nüsrətül-İslam və Əl-Muslimin, Burkina Fasonun cənub-qərbində Bobodiolaso ​​və Die Bogun arasında Burkina Faso qüvvələrinə qarşı pusqu həyata keçirdi və onlardan 10-nu öldürdü.

Burkina Faso Mərkəzi:
-Çərşənbə günü, mayın 3-də bu ünsürlər Burkina Fasonun mərkəzində yerləşən Yamba bölgəsində Burkina Faso qüvvələrinə hücum edərək 7 nəfəri öldürüblər.

Nord bölgəsi (Burkina Fasonun şimalı):
-Çərşənbə axşamı, mayın 9-da bu qrupun üzvləri Burkina-Fasonun şimal-qərbində yerləşən Uahiqoya əyalətinin Tangi bölgəsində hökumət qüvvələrinə məxsus mərkəzə hücum ediblər.
-Mayın 18-i cümə axşamı səhər saatlarında bu silahlı şəxslər Burkina-Fasonun şimal-qərbindəki Ouahiqoya əyalətinin Nonq-Fire bölgəsində Burkina Faso hökumət qüvvələrinin qərargahını ələ keçirərək, azı 10 hökumət qüvvələrini öldürüblər.
-Camaat Nüsrətül-İslam və Əl-Muslimin silahlıları 31 may çərşənbə günü Burkina Faso qüvvələrinə qarşı Burkina Fasonun şimalında yerləşən Tibo və Soli bölgələri arasında, Mali sərhədinə yaxın Noord və Sahil bölgələri arasında dörd ədəd yol bombası partladıblar. Onlar da bundan sonra bu qüvvələri pusquya salıb, bunlardan 12-ni öldürüb, bir neçə maşını sıradan çıxarıblar.
-Bazar günü, iyunun 25-də bu ünsürlər Burkina-Fasonun şimal-qərbindəki Uahiqoya əyalətinin Qobor şəhəri ətrafında hökumət qüvvələri ilə toqquşub və onlardan birini öldürüblər.
-Çərşənbə axşamı, iyunun 20-də bu qrupun silahlı şəxsləri Burkina-Fasonun şimalındakı Tibo şəhərində hökumət qüvvələri ilə toqquşub və onlardan dördünü öldürüblər.
-Şənbə günü, iyulun 8-də bu qrupun ünsürləri Burkina-Fasonun şimal-mərkəzindəki Uahiqoya əyalətindəki Roubinidə Burkina Faso qüvvələrinin qərargahına hücum edərək daha 7 nəfəri öldürüblər.

Mərkəzi Nord Bölgəsi:
-Mayın 27-də şənbə günü bu ünsürlər Burkina Fasonun mərkəzi şərqində yerləşən Kaya əyalətində Burkina Faso qüvvələrinin hücumunu dəf edib və onlardan 7-ni öldürüblər.
-Cümə axşamı, iyunun 1-də Camaat Nüsrətül-İslam və Əl-Muslimin üzvləri Burkina-Fasonun hökumət qüvvələrinə Kəbi kəndində hücum edərək, onlardan üçünü öldürüblər.
-Camaat Nüsrətül-İslam və Əl-Muslimin silahlıları cümə axşamı, iyunun 8-də Burkina-Fasonun şimalındakı Kaya əyalətinin Broome bölgəsində Burkina Faso hökumət qüvvələrinin qərargahını ələ keçirərək, 20 təhlükəsizlik qüvvəsini öldürüblər.
-Cümə axşamı, iyunun 15-də bu ünsürlər Burkina-Fasonun şimalındakı Kaya əyalətinin mərkəzində yerləşən Novaka kəndi ətrafında Burkina-Fasonun hökumət qüvvələrini pusquya salıb və onlardan 6-nı öldürüblər.
-Bu qrupun silahlıları Burkina-Fasonun şimalında yerləşən Kaya əyalətinin paytaxtında Kaya və Barsalaqo arasında Burkina Faso qüvvələrinə məxsus hərbi avtomobili partladıblar.
-Şənbə günü, iyunun 17-də Camaat Nüsrətül-İslam və Əl-Muslimin üzvləri Burkina-Fasonun mərkəzində yerləşən Bolsa əyalətinin Zambaqa şəhərində hökumət qüvvələrinə hücum edərək onlardan ikisini öldürüblər.
-Çərşənbə axşamı, iyunun 20-də Camaat Nüsrətül-İslam və Əl-Muslimin üzvləri Burkina-Fasonun şimal-mərkəz hissəsindəki Kaya vilayətinin Mani bölgəsində hökumət qüvvələrinin mərkəzini ələ keçirərək 3 nəfəri öldürüblər.
-Burkina-Fasonun şimal-mərkəzi hissəsində yerləşən Kaya əyalətinin Nvaka bölgəsində iyunun 26-i bazar ertəsi bu qruplaşmanın üzvləri hökumət qüvvələrinə hücum edərək onlardan 38-ni öldürüblər.
-Cümə günü, iyulun 7-də bu qrupun silahlı şəxsləri Burkina-Fasonun mərkəzindəki Nmentanqa əyalətinin Koqo şəhərində hökumət qüvvələrinin qərargahına hücum edərək onlardan 15-ni öldürüblər.

Cənub Mərkəzi:
-Bazar günü, iyunun 18-də silahlı şəxslər Burkina-Fasonun cənub-mərkəzi hissəsində yerləşən Leo əyalətinin Bura bölgəsində Burkina-Fasonun hökumət qüvvələrini pusquya salıb və onlardan ən azı birini öldürüblər.

Niger ölkəsi:
-Cümə günü, iyulun 14-də Camaat Nüsrətül-İslam və Əl-Muslimin Nigerin cənub-qərbində və Burkina Faso sərhədi yaxınlığında yerləşən Makalundi şəhəri yaxınlığında Niger Jandarma qüvvələrinə qarşı pusqu həyata keçirib. Bu əməliyyat nəticəsində bir neçə nəfər həlak olub və yaralanıb.

Qeyd edək ki, “Camaat Nüsrətül-İslam və Əl-Muslimin” son üç ayda əməliyyatlarının zamanında rotasiya məntiqinə əməl edib və Malidə bir neçə əməliyyat keçirdikdən sonra bu ölkədəki fəaliyyətini dayandırıb və Burkina Fasoda yeni əməliyyatlara başlayıb. Rotasiya məntiqi bu qruplaşmanın Burkina-Fasonun özündəki addımları üçün də sadiqdir. Bu qruplaşma son üç ayda Burkina Faso təhlükəsizlik qüvvələrini ölkənin müxtəlif bölgələrində müxtəlif növ əməliyyatlar, o cümlədən pusqu, birbaşa hücumlar və qəfil hərəkətə keçmə prinsipinə əsaslanan digər növlərlə hədəfə alıb. Camaat Nüsrətül-İslam və Əl-Muslimin son üç ayda həyata keçirdiyi əməliyyatlar, Mali ölkəsinin mərkəzi və cənubuna ayrılan diqqətdən fərqli olaraq, demək olar ki, bütün Burkina-Faso ölkəsini şimaldan cənuba və qərbdən şərqə eləcə də mərkəzi və sərhədyanı əraziləri əhatə edib. Bununla belə, demək olar ki, Burkina Fasonun mərkəzində bu üç ayda ən çox terror hərəkatı baş verib, qruplaşmanın ən çox qurbanı isə Burkina Fasonun şimal bölgələrində öldürülüb.

Qeyd edək ki, “Camaat Nüsrətül-İslam və Əl-Muslimin”in media qolu olan Əl-Zəlaqə İnstitutu Burkina-Faso təhlükəsizlik qüvvələrinin xalqla davranışı və qruplaşmanın Burkina Faso təhlükəsizlik qüvvələrinə qarşı ən mühüm hərəkətlərindən bəhs edən 14 dəqiqəlik video yayımlayıb.

Bu hesabatda yer alan məlumatlar “Camaat Nüsrətül-İslam və Əl-Muslimin”in xəbər mənbələrindən götürülüb və orada bu qruplaşmanın itkiləri qeyd olunmayıb. Məlumatların miqdarına görə, Malidəki Camaat Nüsrətül-İslam və Əl-Muslimin fəaliyyətləri ilə bağlı məlumatlar başqa bir hesabatda hazırlanacaq.