Pakistan ordusu “Təhrik-e-Talibane-Pakistan”-a və İŞİD-ə qarşı əməliyyat keçirib
“İslam Dünyası Xəbərləri” informasiya agentliyi xəbər verir ki, Pakistan ordusunun ölkənin müxtəlif bölgələrində həyata keçirdiyi təhlükəsizlik əməliyyatları nəticəsində İŞİD və Təhrik-e-Taliban silahlı qruplaşmalarından 16 nəfər öldürülüb və həbs edilib.
İyulun 2-də Pakistan Ordusunun təhlükəsizlik-hərbi əməliyyatları zamanı Şimali Vəziristanda yerləşən Qulam Xan bölgəsində, eləcə də Qucranvala, Lahor, Ravalpindi, Multan və Sarqodha bölgələrində üç Təhrik-e-Taliban Pakistan silahlısı öldürülüb, daha 9 nəfər həbs edilib.
Yerli mənbələrin məlumatına görə, son vaxtlar Pakistanın muxtar qəbilə bölgələrində İŞİD təbliğatı artıb. Onlar puştun ifratçı cərəyanları, Taliban, Əl-Qaidə və s.-yə qarşı təbliğat aparıb, insanların onlardan ayrılmasını tələb edirlər. Həmçinin Pakistan ordusu əməliyyatda İŞİD-lə əlaqəli 4 silahlının öldürüldüyünü açıqlayıb.
Bu baxımdan muxtar qəbilələrin ağsaqqalları və puştun ifratçı cərəyanları Pakistan ordusunu bu ərazilərdə İŞİD proqramlarını həyata keçirməkdə ittiham edirlər. Onların fikrincə, Pakistanın iqtisadi vəziyyəti ağırdır və ordu antiterror proqramları ilə dünyanın diqqətini cəlb etməyə çalışır. Qeyd edək ki, Pakistan hökumətinin “Təhrik-e-Taliban” məhbuslarının ümumi amnistiya tələbini rədd etməsi səbəbindən Pakistan hökuməti ilə Taliban arasında danışıqlar daha da artıb və bu qrupun lideri Nur Vəli Məhsud Pakistan hökumətini təhdid edib.
Daha çox oxuyun:
Əfqanıstanda və Pakistanda baş verən son hadisələr, 1 İyun 2022
Pakistan hökuməti və Təhrik-e-Taliban Pakistan arasında atəşkəs rejimi əldə edilib
Rəy