Fələstində baş verən son hadisələr, 25 İyun 2022

Şənbə, 25 İyun 2022 - 17:47
https://az.iswnews.com/?p=9329

“İslam Dünyası Xəbərləri” informasiya agentliyi xəbər verir ki, Ramallahın şərqində İsrail hərbçiləri tərəfindən güllələnərək yaralanan 16 yaşlı fələstinli yeniyetmə aldığı yaraların ağırlığına görə şəhid olub.

– İyunun 24-də HƏMAS Fələstin Hərəkatının siyasi bürosunun rəhbəri İsmayil Həniyyə Bəəbəda sarayında Livan prezidenti Mişel Aun ilə görüşüb.

– İyunun 23-də sionist rejimin Yanğın və Xilasetmə Xidmətinin bir sıra üzvləri İsrail Hərbi Hava Qüvvələrinə məxsus təyyarə ilə Kiprə göndərilib.

– İbrani mənbələri İsrailin keçmiş baş naziri Benyamin Netanyahunu qorumaq üçün təhlükəsizlik tədbirlərinin gücləndirildiyini bildirir.

– Qüds İslam Vəqfi Təşkilatı sionist rejimin Qüds şəhərindəki məhdudiyyətlərinə baxmayaraq, 50 min fələstinlinin Əl-Əqsa məscidində cümə namazına qatıldığını açıqlayıb.

– HƏMAS hərəkatının siyasi bürosunun rəhbəri İsmayil Həniyyənin başçılıq etdiyi yüksək rütbəli nümayəndə heyəti Beyrutda İslami Cihadın baş katibi Ziyad əl-Nəxxalə ilə görüşüb.

– Cümə günü Ramallahın şərqindəki Səlvad qəsəbəsində baş verən toqquşmalarda İsrail hərbçiləri tərəfindən yaralanan 16 yaşlı fələstinli yeniyetmə aldığı xəsarətin ağırlığı səbəbindən şəhid olub.

– Surinam prezidenti Çan Santoi büdcə kəsiri səbəbindən işğal altındakı Qüdsdəki səfirliyinin açılışını ləğv edib.

– İsrailin “Əl-Salam Əl-Alan” hüquq birliyi Naftali Bennetin baş nazirliyi dövründə yəhudi məskənlərinin sayının 62 faiz artdığını bildirib.

– İsrail hərbi komandirləri amerikalı həmkarları ilə görüşdə strateji və əməliyyat məsələlərini müzakirə ediblər. Görüş işğal altındakı Fələstinin şimalındakı Əl-Cəlildəki kazarmada baş tutub.

– İyunun 23-də BƏƏ Hava Yollarının ilk rəsmi reysi Dubay Hava Limanından işğal olunmuş Fələstinə uçdu.

– İyunun 24-də İsrail qüvvələri İordan çayının qərb sahilindəki Cənin şəhərinin cənubunda yerləşən Qabatiyyə kəndinə hücum edərək fələstinli gənclərlə toqquşub. Münaqişədə itki olmayıb.

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.