Həccə əyalətinin şimalında baş verən son hadisələr, 5 fevral 2022-ci il

Şənbə, 5 Fevral 2022 - 23:26
https://az.iswnews.com/?p=879

“İslam Dünyası Xəbərləri” informasiya mərkəzi xəbər verir ki, Səudiyyə koalisiyası Həccə əyalətinin şimalındakı Hərəz şəhərini ələ keçirmək üçün ağır hücumlara başlayıb.

Həccə əyalətinin şimal cəbhəsindən alınan son xəbərlərə görə, Səudiyyə koalisiyası Hərəz şəhərinin mühasirəsini başa çatdırmaq üçün dünən, 4 fevral 2022-ci il tarixindən etibarən yeni hücumlara başlayıb. Müvafiq olaraq, Hərəz şəhərinin şərq istiqamətində yerləşən Əl-Məhsam bazası Səudiyyə koalisiyasının nəzarətinə keçib.
Baza əvvəllər Yəmən ordusunun Həccə əyalətinin şimalındakı sərhəd məntəqəsi olub və son illərdə Səudiyyə qırıcı təyyarələri tərəfindən tamamilə dağıdılıb. Ona görə də bu bazanın ələ keçirilməsinin sırf media təsiri var və həqiqətdə cəbhə münaqişələrinə təsir göstərmir.

Hazırda Bəni Mərvan kəndi ətrafı, Cəbəl-Məhsam və Ahim üçbucağı şimalında qarşıdurmalar davam edir və Hərəz şəhəri Ənsarullahın nəzarəti altındadır. Səudiyyə koalisiyası Hərəz şəhərini hərbi əməliyyat bölgəsi elan edib və həmin bölgəni qırıcı təyyarələri ilə son 48 saat ərzində 15 dəfə bombalayıb.

Nə qədər ki, Cəbəl əl-Həsənəyn, Məhsam kəndi və Hərəz vadisi Ənsarullahın nəzarətindədir, Hərəz şəhərinin süqutu mümkün deyil. Bu mövzunu anlayan koalisiya mühasirəni tamamlamaq və ya Ənsarullahı geri çəkilməyə məcbur etmək üçün hücumlarını Cəbəl əl-Həsənəynə və ətraf kəndlərə yönəldib.

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.