Əfqanıstanda və Pakistanda baş verən son hadisələr, 11 İyun 2022

Şənbə, 11 İyun 2022 - 23:53
https://az.iswnews.com/?p=8639

“İslam Dünyası Xəbərləri” informasiya agentliyi xəbər verir ki, Təxar əyalətinin paytaxtı Taleqan şəhərində Taliban kəşfiyyat qüvvələri ilə İŞİD əməliyyatçıları arasında baş verən qarşıdurmada 8 İŞİD üzvü öldürülüb.

1- Bədəxşan:
İyunun 6-da Dəryam bazarında Taliban silahlıları arasında baş verən daxili qarşıdurmada bir uşaq ölüb, 8 Taliban üzvü yaralanıb.

2- Bəğlan:
– İyunun 6-da Taliban silahlıları Xost və Fərəngdən olan 100-dən çox ailəni köçməyə məcbur ediblər.
– İyunun 6-da Pol-e Hesar şəhərinin Taqanak bölgəsində Taliban silahlıları ilə Əhməd Məsud qüvvələri arasında baş verən toqquşmada dörd Taliban silahlısı öldürülüb, ikisi isə yaralanıb.
– İyunun 7-də Taliban silahlıları Əhməd Məsudun qüvvələri ilə əməkdaşlıqda ittiham edilərək Xost və Fərəng əyalətlərinin Suq məhəlləsində iki, Əndərab rayonunda isə dörd nəfəri qətlə yetiriblər.
– İyunun 9-da Taleh və Bərfək rayonlarında Taliban silahlıları ilə Əhməd Məsud qüvvələri arasında baş verən toqquşmada Əhməd Məsud qüvvələrinin cəbhə komandirlərindən Eynud-Din Rəfii və bir neçə Taliban silahlısı öldürülüb.

3- Bəlx:
İyunun 8-də naməlum silahlı şəxslər Məzari-Şərifin beşinci rayonunun Sərka Farqah məhəlləsində dörd Taliban silahlısını öldürüblər.

4- Pəncşir:
– İyunun 6-da Taliban silahlıları Pəryan şəhərinin İlaq məhəlləsində bir nəfəri və Bazarak şəhərinin Karvaşi məhəlləsində üç nəfəri öldürüblər.
– İyunun 6-da Əhməd Məsud qüvvələrinin Xancın Çamalordeh məhəlləsində, Anabanın Pişqur məhəlləsində və Roxanın Tavax məhəlləsində təşkil etdiyi hücumda 20 Taliban silahlısı öldürülüb.
– İyunun 7-də Pəryan şəhərinin Kuhsar məhəlləsində Taliban silahlıları Əhməd Məsudun qüvvələri ilə toqquşdu.
– İyunun 8-də “Loğman mücahidləri” adlı 1600 nəfərlik Taliban briqadası Əhməd Məsud qüvvələrinə qarşı döyüşmək üçün Bazarak şəhərinə daxil oldu.
– İyunun 8-də Taliban silahlıları Əhməd Məsudun qüvvələri ilə əməkdaşlıq ittihamı ilə Bazarak ətrafındakı “Məhəllə” kəndinin 20 sakinini həbs ediblər.
– İyunun 9-da Taliban silahlıları Dərrənin Lara, Tabeh, Nilan və Qəzliyar ərazilərini Əhməd Məsudun qüvvələrindən təmizləməyə başladılar.
– İyunun 10-da Ənnabə şəhər xəstəxanası Taliban silahlıları ilə xəstəxananın dolduğunu və digər xəstələri qəbul etmək qabiliyyətinin olmadığını elan etdi.

5- Pərvan:
İyunun 7-də Çarikar şəhərində İŞİD-in silah-sursat anbarının partlaması nəticəsində 5 mülki şəxs yaralanıb. Taliban silahlıları anbar partlamadan əvvəl İŞİD-lə əməkdaşlıqda şübhəli bilinən üç qadını həbs ediblər.

6- Təxar:
– İyunun 6-da Əhməd Məsud qüvvələrinin Versaj şəhərinin Zaran Paçk Bala bölgəsində Taliban nəzarət-buraxılış məntəqəsinə hücumu nəticəsində iki Taliban silahlısı öldürülüb, daha biri yaralanıb.
– İyunun 11-də Taliban sözçüsü Zəbihullah Mücahid bəyan edib ki, Taliban kəşfiyyat qüvvələri Taleqan şəhərində İŞİD əməliyyatçıları ilə toqquşaraq qruplaşmanın 8 üzvünü, o cümlədən onların komandiri Yunis Özbəkistanini öldürüblər.

7- Daykendi:
İyunun 8-də Taliban silahlıları Giti şəhərinin Şah Tut Vadisi ərazisinin boşaldılması və sakinlərinə təxliyyə edilməsi əmrini verib. Bu bölgənin sakinləri Həzara xalqındandır.

8- Sərepol:
– İyunun 6-da Həzara əsilli Taliban komandiri Moləvi “Mehdi Mücahid” bu qrupun Bəlxab şəhəri üzrə valisini vəzifəsindən azad edərək yerinə naməlum bir şəxsi təyin etdi.
– İyunun 9-da Taliban nümayəndələri Kabilə getmək üçün Moləvi “Mehdi Mücahid”lə danışıqlar aparıblar. Bu danışıqların nəticəsiz qalmasından sonra Taliban silahlıları Bəlxab şəhəri yaxınlığında mövqelərini gücləndiriblər.
– İyunun 9-da Talibanın mərkəzi hökuməti Moləvi Əbdül Rəhim Akə-nin Moləvi Mehdi Mücahid tərəfindən Sərepol valisi təyin edilməsini rədd etdi.

9- Qəndəhar:
İyunun 9-da Spin Boldakın Sarousahan məhəlləsində yol kənarına qoyulmuş bombanın partlaması nəticəsində bir mülki vətəndaş və beş Taliban silahlısı həlak olub, digəri isə yaralanıb.

10- Kabil:
– İyunun 6-da dördüncü rayonda iki Taliban silahlısı yol kənarına qoyulmuş bombanın partlaması nəticəsində yaralanıb. İŞİD bəyanat yayaraq hücuma görə məsuliyyəti üzərinə götürüb.
– İyunun 8-də əvvəlki hökumətdə təhsil naziri olmuş Faruk Vardak Taliban hökumət rəsmilərinin “Geri Qaytarılma” komitəsi ilə məsləhətləşdikdən sonra Əfqanıstana qayıtdı.
– İyunun 11-də 12-ci məhəllədə minalanmış avtomobilin partlaması nəticəsində 4 dinc sakin həlak olub, iki nəfər yaralanıb.

Kabilin 12-ci rayonunda minalanmış avtomobildən olan şəkillər

11- Hərat:
İyunun 8-də İran İslam Respublikası əvvəlki hökumətin devrilməsi zamanı İrana verilmiş əfqan hərbi texnikalarını Talibana təhvil verib.

12- Pakistan:
– İyunun 8-də Pakistan ordusu Bəlucistan əyalətinin Noşki bölgəsində təhlükəsizlik qüvvələrinin keçirdiyi əməliyyat zamanı Bəluç ifratçı qruplaşmasının iki üzvünün öldürüldüyünü açıqladı. Bu şəxslər Pakistan sərhədində Xaran bölgəsində son hücumlarda iştirak ediblərmiş.
– İyunun 9-da İranın Pakistandakı səfiri Seyid Məhəmməd Əli Hüseyni baş nazir Şahbaz Şərif ilə görüşüb. Pakistanın baş naziri bu görüşdə İranın Kəşmir xalqı barəsində mövqeyini yüksək qiymətləndirməklə yanaşı, ikitərəfli əməkdaşlığın artırılmasına çağırıb.
– İyunun 10-da “Camaati-İslami” partiyasının və digər dini qrupların yüzlərlə üzvü Hindistanda hakim partiya üzvlərinin islam əleyhinə çıxışlarına və İslam Peyğəmbərini (s) təhqir etmələrinə etiraz olaraq aksiya keçirib.

Daha çox oxuyun: Əfqanıstanda və Pakistanda baş verən son hadisələr, 5 İyun 2022

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.