Rus ordusu Mariupol şəhərini tam nəzarətə götürdü!

Şənbə, 21 May 2022 - 22:25
https://az.iswnews.com/?p=7490

“İslam Dünyası Xəbərləri” informasiya agentliyi xəbər verir ki, mayın 20-də Mariupolun cənubundakı Azovstal sənaye zonasında son Ukrayna qoşunlarının Rusiya ordusuna təslim olması ilə Ukraynanın cənubundakı bu mühüm liman şəhəri Rusiya və müttəfiqlərinin tam nəzarətinə keçib.

Bazar ertəsi, mayın 16-da elan edilən atəşkəsdən sonra Azovstal bölgəsində bir aydır mühasirədə olan Azov neonasist batalyonunun qalan qüvvələri və Ukrayna ordusu qüvvələri Rusiya ordusuna təslim olub. Rusiya Müdafiə Nazirliyinin məlumatına görə, bu müddət ərzində Ukrayna ordusunun 2439 əsgəri Rusiya ordusuna təslim olub. Həmçinin, mövcud məlumatlara görə, son bir ayda Azovstal ərazisindən ümumilikdə 500-ə yaxın mülki şəxs təxliyə edilib.

Bundan əvvəl Mariupolda döyüşlər zamanı Ukrayna qüvvələrinin şəhərin şimalındakı İliç Sənaye Zonasının mühasirəsini yarmağa cəhd edərkən 1000-ə yaxın ukraynalı əsgər əsir götürülmüşdür. Belə ki, ümumilikdə Mariupol şəhərində 3500-ə yaxın ukraynalı hərbçinin ələ keçirilməsi və Ukrayna qüvvələri üçün baş vermiş 500-1000 nəfər arası itkini hesablasaq Mariupolun mühasirəsindən sonra şəhərdə 4500-ə yaxın ukraynalı hərbçi olubmüş.

Qeyd edək ki, Mariupolun ələ keçirilməsi üçün əsas və son döyüş fevralın 24-də başlayıb və Rusiya və Donetsk qüvvələrinin Mariupol ətrafında genişlənməsi ilə martın 1-də şəhər tam mühasirəyə alınıb. Martın 12-də Mariupolun şərq kənarındakı ilk ərazi Rusiya və Donetsk (DXR) qüvvələri tərəfindən tutuldu və Mariupol daxilində döyüşlər başladı. Rus qoşunlarının və DXR-nin irəliləməsi Mariupol şəhərinin məhəllələrində nəhayət 20 aprel-ə qədər Mariupol şəhərinin Azovstal bölgəsindən başqa bütün əraziləri rus ordusunun nəzarətinə keçdi. Bundan sonra Rusiya prezidenti Vladimir Putinin göstərişi ilə Mariupol şəhərinin ələ keçirilməsi kimi əsas məqsədə nail olmaq və itkilərin artmasının qarşısını almaq üçün Azovstalın ələ keçirilməsi üçün irimiqyaslı quru hücumları demək olar ki, dayandırıldı. Son bir ay ərzində hücumların əksəriyyəti artilleriya və hava zərbələri, eləcə də Ukrayna qüvvələrinə təslim olmağı qəbul etməyə təzyiq etmək üçün bəzi ərazilərdə kiçik irəliləyişlər şəklində həyata keçirildi. Nəhayət, Rusiya hərbçilərinin artan təzyiqi və Ukrayna qüvvələrinin Azovstaldakı vəziyyətinin pisləşməsi səbəbindən Ukrayna Silahlı Qüvvələri bazar ertəsi (16 may) atəşkəs və təslim olmağa razılaşdılar. Mayın 20-də Ukrayna qüvvələrinin təslim olması və Azovstal bölgəsindən çıxarılması başa çatdıqdan sonra Azovstal bölgəsi 82 ​​günlük mühasirədən sonra Rusiya və Donetsk ordularının nəzarətinə keçdi və nəticədə Mariupol şəhəri tamamilə Rusiyanın ixtiyarında qərar tapdı.

Sənaye şəhəri olan Mariupol Ukraynanın ən mühüm liman şəhərlərindən biri olub, bu ölkənin iqtisadiyyatında mühüm rol oynayıb. Son illərdə Mariupol şəhəri Severodonetsk şəhəri ilə birlikdə Donetsk və Luqanska qarşı Ukrayna ordusunun əsas bazası və komandanlığı kimi istifadə olunurdu. Ona görə də bu şəhərin tamamilə ələ keçirilməsi Ukrayna silahlı qüvvələrinə böyük zərbədir.

Daha çox oxuyun:
Mariupol şəhərindəki son vəziyyət, 20 Aprel 2022
Mariupol şəhərindəki son vəziyyət, 16 Aprel 2022
Mariupol şəhərindəki son vəziyyət, 14 Aprel 2022

Tam ölçüdə baxmaq üçün klikləyin
Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.