Rusiya-Ukrayna müharibəsindən ən son xəbərlər – Müharibənin Səksən Birinci Günü, 15 May 2022

Bazar, 15 May 2022 - 18:37
https://az.iswnews.com/?p=7147

– G7 xarici işlər nazirləri Rusiyaya qarşı sanksiyalarla bağlı razılığa gəliblər
G7 kimi tanınan dünyanın yeddi sənaye üzərində inkişaf etmiş ölkəsinin (Almaniya, ABŞ, İngiltərə, Fransa, İtaliya, Kanada və Yaponiya) xarici işlər nazirləri Almaniyanın şimalında Rusiyaya qarşı sanksiyaların müddətini uzatmaq üçün üç günlük sammit zamanı bir araya gəliblər. Onlar həmçinin Çinə Rusiyaya qarşı sanksiyaları yumşaltmaq barədə xəbərdarlıq ediblər və Ukraynaya hərbi və silah yardımının davam etdirilməsinin vacibliyini vurğulayıblar.
İclasın yekun bəyanatında bu ölkələr Rusiya tərəfindən Ukraynanın sərhədlərinin dəyişdirilməsini rədd edib və bu dəyişiklikləri tanımadıqlarını vurğulayıblar.
Almaniyanın xarici işlər naziri Annalna Berbok da Rusiyanı qəsdən taxıl müharibəsi aparmaqda ittiham edib. O, Ukraynanın dünyanın ən böyük taxıl istehsalçılarından biri kimi rolunu vurğulayaraq, Ukrayna limanlarının bağlanmasının və taxıl ixracının qarşısının alınmasının Asiya və Afrikada 50 milyon insanın aclığı üçün təhlükə yaratdığını bildirib.
Qeyd edək ki, görüşdə Ukraynanın xarici işlər naziri Dmitri Kolba da iştirak edib.

– Rusiya ordusunun Mariupoldakı Azovstal sənaye zonasına son zərbələrinin videosu. Bu videoda Rusiya hərbi raket qurğuları 9M22S yandırıcı sursatdan istifadə edərək Azovstal zavodunu bombalayır.
Ukrayna hökumət rəsmilərinin sözlərinə görə, hazırda Azovstalda 1000-dən çox hərbçi mühasirədədir, 600-ə yaxın yaralı və təcili yardıma ehtiyacı olan var.
Ukrayna və Qərb mediaları Rusiyanı yandırıcı silahlardan istifadə etməkdə günahlandırır, ABŞ, NATO və İsrail isə bundan əvvəl İraq, Əfqanıstan, Qəzza və 6 dəfə digər müharibələrdə dinc əhaliyə qarşı yandırıcı bombalardan istifadə edib və heç bir media orqanı onların əleyhinə çıxış etməyib!

– Finlandiya və İsveç NATO-ya üzv olacaqmı?
Rusiyanın Ukraynaya hücumundan sonra NATO üzvü olmayan Avropa ölkələrinin, xüsusilə Finlandiya və İsveçin NATO-ya üzv olmaq istəyi artıb.
İsveç parlamenti ümumilikdə NATO-ya qoşulmağa razılıq verib və hökumət təhlükəsizlik və siyasi mülahizələri nəzərdən keçirir. İsveç çox güman ki, yaxın günlərdə NATO-ya üzvlük üçün rəsmi ərizə təqdim edəcək.
Amma Finlandiya hökuməti və parlamenti öz qərarını verib və mayın 28-dək bu ölkə prezidentinin yekun qərarını gözləyir.
ABŞ iki ölkənin NATO-ya üzvlük müraciətini dəstəklədiyini də bəyan edib. Lakin Türkiyə iki ölkənin PKK və YPG qruplarına dəstəyini mübahisəli adlandıraraq, əvvəlki Türkiyə hökumətinin Yunanıstanın lehinə səsvermədə (NATO-ya üzv olmasında)səhvini nəzərə alaraq, İsveç və Finlandiyanın NATO-ya daxil olmasına müsbət baxışının olmadığını bildirib.
Şimali Atlantika Müqaviləsi Təşkilatının (NATO) hazırda 30 üzvü var və yeni üzvün qəbulu üçün alyansın bütün üzvlərinin razılığı lazımdır.

– Rusiya qüvvələri Lvov vilayətinin Yavoriv sərhəd bölgəsindəki Ukrayna hərbi obyektlərinə bir neçə qanadlı raket ilə hücum edib.
Lvov vilayəti administrasiyasının rəhbəri Maksim Kozitskinin sözlərinə görə, hücum 4 raketlə səhər saat 4:30-da Ukrayna hərbi bazasına olub.
Yerli mənbələr də bir neçə partlayış səsi və Ukraynanın müdafiə sistemlərinin bu raketlərlə qarşıdurması barədə məlumat verib. Ukrayna müdafiəsi iki raketi vura bilib.
Qeyd edək ki, bu, Ukrayna müharibəsi zamanı Rusiya ordusunun Yavoriv bazasına ikinci raket hücumudur. Hücumdan əvvəl Rusiya ordusu 2022-ci il martın 13-də xarici məsləhətçilər və qüvvələrin qaldıqları yeri məhv etmək məqsədi ilə 8 qanadlı raketlə bazaya hücum etmişdi.
Yavoriv bazasının onlayn xəritədə yeri: Link
Bazanın koordinatı: 50.006102, 23.500972

– Finlandiya prezidenti NATO-ya üzvlük ərizəsini təsdiqləyib
Finlandiya prezidenti Sauli Niinistö bu gün günortadan sonra Şimali Atlantika Müqaviləsi Təşkilatına (NATO) üzv olmaq üçün fərman verib. Niinistö bu fərmanı Finlandiya siyasətində tarixi dəyişiklik adlandırıb. Bu qərarla İsveçin də yaxın vaxtlarda NATO-ya üzvlük müraciətini elan edəcəyi gözlənilir.
Mayın 14-də Niinistö Rusiya prezidenti Vladimir Putinlə zəngdə NATO-ya üzv olmaq qərarını açıqlayıb və Putin bu addımı iki ölkə münasibətlərində dağıdıcı addım adlandırıb.
Finlandiya Şimali Avropada Rusiya, İsveç və Norveç arasında yerləşən bir ölkədir. Ölkənin təxminən 5,5 milyon əhalisi var və paytaxtı Helsinkidir. Finlandiya Rusiya ilə təxminən 1300 kilometr sərhədi var və onun NATO-ya üzv olmaq qərarı ölkəni yeni təhlükələrə məruz qoya bilər.

– Ukrayna ordusu həmişəki kimi Rusiya ordusunun quruda irəliləməsinin qarşısını almaq üçün dəmir yolu körpüsünü partladıb.
Bu dəmir yolu körpüsü Severodonetsk şəhərinin şimalında, Broova çayı üzərində yerləşir və Severodonetsk və Rubijne şəhərləri arasında dəmir yolu əlaqəsində mühüm rolu var idi.
Severodonetsk-Rubijne dəmir yolu körpüsünün onlayn xəritədə yeri

Keçmiş günlərdə Ukrayna müharibəsi xəbərləri:

Gün 1Gün 2Gün 3Gün 4Gün 5Gün 6Gün 7Gün 8Gün 9Gün 10Gün 11Gün 12Gün 13Gün 14Gün 15Gün 16Gün 17Gün 18Gün 19Gün 20Gün 21Gün 22Gün 23Gün 24Gün 25Gün 26Gün 27Gün 28Gün 29Gün 30Gün 31Gün 32Gün 33Gün 34Gün 35Gün 36Gün 37Gün 38Gün 39Gün 40Gün 41Gün 42Gün 43Gün 44Gün 45Gün 46Gün 47Gün 48Gün 49Gün 50Gün 51Gün 52Gün 53Gün 54Gün 55Gün 56Gün 57Gün 58Gün 59Gün 60Gün 61Gün 62Gün 63Gün 64Gün 65 və 66Gün 67Gün 68Gün 69Gün 70Gün 71Gün 72Gün 73Gün 74Gün 75Gün 76Gün 77Gün 78Gün 80

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.