Dnestryanı-ya naməlum hücum; rusyönüllülərin özünü şikəst etməsi, yoxsa Ukrayna hücumu? Dnestryanı haradır?

Çərşənbə, 27 Aprel 2022 - 07:33
https://az.iswnews.com/?p=6064

“İslam Dünyası Xəbərləri” informasiya agentliyi xəbər verir ki, Moldavianın şərqindəki Dnestryanı Muxtar Bölgəsindəki Mayak kəndinə naməlum hücum nəticəsində iki radio antenası zədələnib və aşıb.

Hücuma görə məsuliyyəti heç bir qrup öz üzərinə götürməsə də, Rusiya mənbələri bunun Ukrayna və ya Moldavia tərəfindən törədildiyini bildirir. Digər tərəfdən, Moldavia mediaları bunun Moldavianın şərqində Ukrayna müharibəsini alovlandırmaq üçün Moldavia ruslarının özlərinə təşkil etdiyi hücum olması ehtimalını gündəmə gətirib.
Dnestryanı Muxtar Vilayətin rəsmiləri də bölgədə daha çox rus hərbçisinin yerləşməsi ilə bağlı xəbərləri təkzib edərək deyiblər:
“Araşdırmalar göstərir ki, son partlayışlarda Ukraynanın əli olub. Biz Rusiya ordusundan Dnestryanı Respublikasında yerləşdirilən qoşunların sayını artırmağı xahiş etməmişik və qüvvələrin artırılmasına ehtiyacımız yoxdur. Bizim region Ukrayna üçün heç bir təhlükə yaratmır”.

Dnestryanı Muxtar Respublikası Moldavianın şərqində Ukrayna ilə həmsərhəd bölgədir. Region Sovet İttifaqının dağılmasından sonra Moldaviaya qoşulmaqdan imtina edib və Moldavianın şərqində bir miqdar ərazini nəzarətə götürdü. Dnestryanı bölgəsinin təxminən 350.000 əhalisi və 4.163 kvadrat kilometr ərazisi var.

Dnestryanı və ya rəsmi olaraq “Dnestryanı Moldavia Respublikası”nın tarixi 1990-cı illərə və Sovet İttifaqının dağılmasına qayıdır. 1990-cı ildə bölgədəki sovetyönlü separatçılar Moldavia Sovet Sosialist Respublikasının ayrılacağını və müstəqil olacağını anladılar; Sovet İttifaqının tərkibində qalmaq ümidi ilə onlar müstəqillik elan etdilər və “Moldavia Dnestryanı Sovet Sosialist Respublikası”nı yaratdılar. Bu hadisədən sonra Moldaviada gərginlik artaraq iki tərəf arasında qanlı müharibə başladı. 1991-ci ildə Moldavia Sosialist Sovet Respublikasının adı dəyişdirilərək “Moldavia Dnestryanı Respublikası” adlandırıldı. Bir il səkkiz ay davam edən müharibə 1992-ci ildə atəşkəslə qurtardı.
Atəşkəs razılaşması çərçivəsində Dnestr çayının hər iki sahilində 20 bəndlik atəşkəs rejiminin icrasına nəzarət etmək üçün Rusiya, Moldavia və Dnestryanıdan ibarət birgə üçtərəfli nəzarət komissiyası yaratdı. İndiyədək atəşkəs saxlanılıb, lakin ərazidə siyasi vəziyyət həll olunmamış, Dnestryanı de-fakto respublika olaraq qalır. Dnestryanıda hökumət, parlament, ordu, polis, poçt sistemi, pul vahidi və müstəqil nömrə sistemi var. Dnestryanı bölgənin də öz bayrağı, milli himni və rəsmi gerbi var.

Şərqi Avropanın inkişafında Dnestryanı bölgəsinin əhəmiyyətini iki məsələdə tapmaq olar:
1- Dnestryanı Parlamenti 2014-cü ildə Rusiya Federasiyasına qoşulmaq istəyib.
2- Bu bölgənin hərbi anbarlarında əhəmiyyətli miqdarda zirehli silah və … var ki, bu da ukraynalıları bu bölgəyə genişmiqyaslı hücuma təhrik edə bilər.

Hazırda Dnestryanı Muxtar Vilayətində 2500-3000 rus əsgəri var. Dnestryanı Silahlı Qüvvələrinin ümumi sayı Tiraspol, Port, Dubosari və Ribnitsa şəhərlərində yerləşən dörd briqadadan ibarət olmaqla 15 min nəfərdir.
Bundan əlavə, Avropanın ən böyük silah anbarlarından birini qorumaq üçün Rusiya ordusunun 13962 saylı hərbi hissəsinin bir vertolyotu ilə yanaşı iki batalyonunun da Kobasna bölgəsində yerləşdiyi barədə məlumatlar var.
Anbarda 100 tank, 200 döyüş maşını və ZTR , 35 min hərbi maşın, 500 hərbi mühəndis texnikası, 200 hava hücumundan müdafiə sistemi, “Qrad” reaktiv yaylım atəşi sistemi, artilleriya və minaatan var.

Kobasna bölgəsinin silah və sursat anbarının koordinatı:
47°45’38″N
29°12’07″E

Kobasna ərazisində silah və sursat anbarının yeri
Tam ölçüdə baxmaq üçün klikləyin
Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.