Bayden yaxın aylarda İsrailə səfər edəcək
“İslam Dünyası Xəbərləri” informasiya agentliyi xəbər verir ki, ABŞ prezidenti sionist rejimin baş naziri ilə telefon danışığında onun işğal olunmuş Fələstinə səfər dəvətini qəbul edib və yaxın aylarda İsrailə səfər edəcəyini bildirib.
Aprelin 24-də ABŞ prezidenti Co Bayden İsrailin baş naziri Naftali Bennettlə telefonla müxtəlif mövzularda danışıb.
Ağ Evin bəyanatına görə, Bayden və Bennett ümumi regional və beynəlxalq təhlükəsizlik məsələlərini, o cümlədən İran və onun müttəfiqlərinin yaratdığı təhlükəni müzakirə ediblər və keçən ilin yayında Vaşinqtona səfərindən sonra İsrailin baş naziri ilə yaxın münasibətlərinə bir daha təkid edilib.
ABŞ prezidenti İsrail baş nazirinin milli təhlükəsizlik üzrə müşavirinin Vaşinqtona son səfərini alqışlayıb. O, həmçinin Naftali Bennettin yaxın aylarda İsrailə səfər etmək dəvətini qəbul edib.
Bayden İsrailə və onun müdafiə ehtiyaclarına sarsılmaz dəstəyini təkrarladı və İsrailin “Dəmir Qübbə” müdafiə sisteminin yenidən qurulması və gücləndirilməsi üçün ayrılan 1 milyard dollarlıq büdcəni alqışladı.
Sionist rejimin baş naziri də Baydenə bildirib: “Mən əminəm ki, İsrailin əsl dostu olan və onun təhlükəsizliyinə əhəmiyyət verən prezident Bayden İslam İnqilabı Keşikçiləri Korpusunun terror təşkilatları siyahısından çıxarılmasına imkan verməyəcək.” O həmçinin əlavə edib: İsrail bununla bağlı öz mövqeyini açıq elan edib. İslam İnqilabı Keşikçiləri Korpusu dünyanın ən böyük terror təşkilatıdır!
Baydenin ABŞ prezidenti kimi İsrailə ilk səfərinin dəqiq tarixi açıqlanmayıb. O, sonuncu dəfə 2016-cı ildə ABŞ prezidentinin birinci müavini kimi işğal olunmuş Fələstinə səfər etmişdir.
Rəy