İordan çayının qərb sahilində İsrail hərbçiləri tərəfindən 7 nəfər saxlanılıb

İşğal olunmuş ərazilərdə fələstinlilərlə sionistlər arasında gərginliyin artması və İsrail təhlükəsizlik qüvvələrinin Fələstinin müqavimət əməliyyatlarını gücləndirmək qorxusundan sonra sionist rejimin kəşfiyyat və daxili təhlükəsizlik qüvvələri Cənin və ətrafının 7 sakinini həbs ediblər.

Şabak iddia edib ki, Qəzza zolağının cənubundakı Rəfah şəhərində İslami Cihad hərəkatının liderlərindən biri sosial media vasitəsilə 7 nəfərlik komandanın üzvlərini bir yerə toplayıb.
Sionist mənbələri həmçinin komandanın “Yasmin Şaban” adlı 40 yaşlı qadın tərəfindən yaradıldığını və onun İslami Cihad hərəkatı ilə İordan çayının qərb sahilindəki digər üzvləri arasında əlaqə olduğunu bildirib.
Yasmin Şaban daha əvvəl anti-İsrail əməliyyatı planlaşdırmaqda ittiham edilərək həbs edilmişdi.

İsrail təhlükəsizlik qüvvələri tərəfindən saxlanılan digər şəxs isə Cənin şəhərinin kənarındakı Deyr Əbu Zeyf kəndindən olan gənc fələstinli Məhəmməd Yasindir. Şabak onun İordan çayının qərb sahilində anti-İsrail əməliyyatları keçirmək üçün kənddən bir neçə gənci cəlb etdiyini iddia edib.