Hans Qrundberq: Yəməndə atəşkəs pozulur və Mərib münaqişəsi narahatlıq doğurur!

Cümə, 15 Aprel 2022 - 18:37
https://az.iswnews.com/?p=5191

“İslam Dünyası Xəbərləri” informasiya mərkəzi xəbər verir ki, BMT-nin Yəmən üzrə xüsusi nümayəndəsi Hans Qrundberq pozulan atəşkəs və Mərib münaqişəsi ilə bağlı narahatlığını ifadə edib.

BMT Təhlükəsizlik Şurasının Yəmənlə bağlı iclası zamanı BMT-nin Yəmən üzrə xüsusi nümayəndəsi Hans Qrundberq Yəmən müharibəsinin müxtəlif tərəflərini müharibəni dayandırmaq üçün müvəqqəti atəşkəsdən istifadə etməyə çağırıb. “Yəməndə atəşkəs tətbiq edildikdən sonra biz gərginliyin və mülki itkilərin sayının əhəmiyyətli dərəcədə azaldığını gördük”, o əlavə edib. Həmçinin Yəmən daxilində hava hücumları və ya region ölkələrinə (Səudiyyə Ərəbistanı və BƏƏ) qarşı sərhədyanı hücumlar barədə təsdiqlənmiş məlumat yoxdur. Yəməndə müvəqqəti atəşkəs pozulur və Mərib ətrafında hərbi toqquşmalar narahatlıq doğurur.
Qarşıdakı həftələrdə tərəflərin atəşkəslə bağlı öhdəliklərinin miqyası daha aydın olacaq. “Beləliklə, Yəmən münaqişəsinin hərtərəfli, sülh yolu ilə və davamlı sona çatması üçün sürəti qorumaq üçün beynəlxalq ictimaiyyətin dəstəyinə həmişəkindən daha çox ehtiyacımız var”.

Qrundberq əsirlərin dəyişdirilməsi məsələsinə toxunub və iki tərəf arasında əsirlərin mübadiləsi üçün danışıqları başa çatdırmağa çağırıb. O, həmçinin Səna hava limanının yenidən açılması və Təiz və digər Yəmənin əyalətlərində yolların açılmasına hazırlıq səylərini vurğulayıb.

Hans Qrundberq bundan əvvəl Yəmənin Milli Qurtuluş Hökumətinin liderləri ilə görüşmək üçün aprelin 23-də bir günlük səfərlə Yəmənin paytaxtı Sənaya gəlmişdi.

Daha çox oxuyun:
Yəməndə müvəqqəti atəşkəs razılaşmasının təfərrüatları
Səudiyyə koalisiyası Yəməndə müvəqqəti atəşkəs sazişi ilə oynayır
Səudiyyə koalisiyası tərəfindən atəşkəs rejimi artıq neçənci dəfədir ki, pozulur

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.