Əfqanıstanda baş verən son hadisələr, 2 Aprel 2022

Şənbə, 2 Aprel 2022 - 23:56
https://az.iswnews.com/?p=4358

“İslam Dünyası Xəbərləri” informasiya mərkəzi xəbər verir ki, Hərat şəhərinin 9-cu rayonunda yerləşən Cəbrayıl qəsəbəsində bombanın partlaması nəticəsində 29 mülki şəxs şəhid olub və yaralanıb.

1- Bədəxşan:
Martın 27-də Əfqanıstan Azadlıq Cəbhəsi qüvvələrinin Bədəxşan-Taxar yolunda həyata keçirdiyi gözlənilməz əməliyyat nəticəsində 3 Taliban üzvü öldürülüb, 4-ü isə yaralanıb.

2- Pərvan:
Martın 31-də Azadeqan Cəbhəsi qüvvələri Cəbəl Siracda Taliban silahlılarına qəfil hücum edərək Qırmızı Briqadanın (Taliban Xüsusi Qüvvələri) rəis müavini Molla Qüdrətullah Pəktiaval-ı öldürüblər.

3- Təxar:
– Martın 28-də Taliban Taliqan şəhərində keçmiş hökumətdəki Könüllülər qruplaşmalarının komandirlərindən birini güllələyib.
– Martın 31-də Əfqanıstan Azadlıq Cəbhəsi qüvvələri Daşt-e Qala rayonunda Talibanın təhlükəsizlik idarəsinin binasına hücum edərək iki Taliban üzvünü öldürüblər.

4-Cəuzcan:
Martın 28-də Əfqanıstan Azadlıq Cəbhəsi qüvvələri Qarqin rayonunun Xan Tappeh məhəlləsində Taliban mövqelərinə hücum edib. Hücum nəticəsində itkilər barədə məlumat verilməyib.

5- Daikendi:
Martın 29-da naməlum silahlı şəxslər Sanq-e Taxt və Bəndər şəhərində bir gənci qətlə yetiriblər.

6- Ğur:
Martın 27-də Ğur qubernatoru Rumi Əhməd Şah Dindoost-un komandanlığı altında silahlı şəxslər Ahangaran bölgəsində yerli Taliban komandiri Haj Miyaqal Ahangrani-nin qüvvələri ilə qarşıdurmada olublar.

7- Fərah:
– Martın 28-də Fərahda naməlum şəxslər məscidin imamını qardaşı ilə birlikdə qətlə yetiriblər. Bu terror aktı nəticəsində məscidin imamı həlak olub, qardaşı isə yaralanıb.
– Martın 29-da Fərah şəhərində naməlum silahlı şəxslər qızıl ustasını terror ediblər.
– Martın 31-də Fərahda Taliban toplumuna İŞİD-in hücumu zamanı yerli komandirin bir neçə mühafizəçisi həlak olub.

8- Qəndəhar:
Martın 28-də Əfqanıstan Azadlıq Cəbhəsi qüvvələrinin Qəndəhar şəhərinin dördüncü rayonunun Mərkəzi Tank məhəlləsində Taliban nəzarət-buraxılış məntəqəsinə hücumu zamanı iki Taliban üzvü öldürülüb, daha biri yaralanıb.

9- Kabil:
Martın 31-də Taliban beşinci məntəqənin Əfşar məhəlləsində İmam Musa Kazım (ə) Məscidini bağlayıb. Talibanın bu işindən sonra insanlar küçələrdə namaz qılıb.

10- Nənqərhar:
Martın 27-də Taliban qüvvələri İŞİD-in Əta ər-Rəhman adlı üzvünü həbs edib.

11- Hərat:
– Martın 31-də Taliban İncil şəhərində keçmiş Müdafiə Nazirliyinin “Həsən Qanuni” adlı həkimini güllələyib və cəsədini yandırıb.
– Aprelin 1-də Cəbrayıl qəsəbəsində bombanın partlaması nəticəsində 4 mülki şəxş şəhid olub, 25 nəfər yaralanıb.

12- Helmənd:
Aprelin 1-də Maricə şəhərində bombanın partlaması nəticəsində 5 uşaq şəhid olub, 3 uşaq isə yaralanıb.

13- Ötən bir həftə ərzində Əta Məhəmməd Nurun rəhbərlik etdiyi Ali Müqavimət Şurasının qüvvələri Fəryab, Pərvan və Kunduz əyalətlərində olduqlarını elan ediblər. Qrup daha əvvəl Sarepol, Səmənqan və s əyalətlərdə olduğunu elan etmişdir.

Daha çox oxuyun:
Əfqanıstanda və Pakistanda baş verən son hadisələr, 27 Mart 2022

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.