Bəğlan əyalətində Əhməd Məsud qüvvələri ilə Taliban arasında qarşıdurma olub
“İslam Dünyası Xəbərləri” informasiya mərkəzi xəbər verir ki, Taliban qüvvələrinin Bəğlan əyalətinin Deh Salah qəsəbəsində Əhməd Məsud qüvvələrinin mövqelərinə hücumu nəticəsində azı 26 Taliban üzvü ölüb və yaralanıb.
Martın 29-u axşam saatlarında Taliban silahlıları hərbi helikopterlərin dəstəyi ilə Deh Salah qəsəbəsində yerləşən Dərreh Qasan bölgəsində Əhməd Məsud qüvvələrinin mövqelərinə hücum edib.
Qarşıdurmalar martın 30-u səhərə qədər davam edib və nəhayət, Qırmızı Briqadanın (Taliban Xüsusi Təyinatlı Qüvvələri) “Səid Yaqut Şah” adlı komandirlərindən birinin öldürülməsi ilə Taliban silahlıları münaqişə bölgəsindən geri çəkilib.
Əhməd Məsud tərəfdarı olan media orqanlarının məlumatına görə, toqquşmalarda 18 Taliban üzvü öldürülüb, 8-i yaralanıb. Əhməd Məsudun qüvvələrindən biri də öldürülüb, digəri isə yaralanıb. 15 saatlıq şiddətli qarşıdurmanın baş verdiyini nəzərə alsaq, bu statistika doğru görünmür.
Digər tərəfdən Kapisa vilayətinin “I Hissə” və “Cəbəl Sirac” şəhərlərində də Taliban və Əhməd Məsud qüvvələri arasında növbəti silahlı qarşıdurma baş verib. Bu qarşıdurmaların dəqiq təfərrüatları açıqlanmayıb.
Daha çox oxuyun:
Əfqanıstan və Pakistanda baş verən son hadisələr, 19 Fevral 2022
Əfqanıstanda və Pakistanda baş verən son hadisələr, 27 Mart 2022
Rəy