Ənsarullahın Həccə əyalətinin şimalındakı əməliyyatının ikinci hissəsi təfərrüatları + Şəkillər
“İslam Dünyası Xəbərləri” informasiya mərkəzinin məlumatına görə, Ənsarullah hərəkatının Həccə vilayətinin şimalında davam etdirdiyi əməliyyatda Əbəs və Hiran şəhərlərindəki 26 kvadrat kilometrlik ərazi Səudiyyə koalisiyasının nəzarətindən azad edilib.
Ənsarullahla Səudiyyə koalisiyası arasında Həccə əyalətinin şimalında baş verən münaqişələrdən sonra Əl-Zəhr, Əl-Əkaşiyyə, Əl-Nəqrəmə, Curb Əl-Muhcim, Əl-Mutif, Əl-Məncurə, Bəni Kinə Şərqi, Əl-Funduq, Əl-Bayda və Əl-Şəbəkə Səudiyyə koalisiyası nəzarətindən azad edilib. Bu azad edilmiş ərazilərin sahəsi 26 kvadrat kilometrdir.
Ənsarullah mediasının məlumatına görə, əməliyyatda Mənsur Hadi və sudanlı muzdlular da daxil olmaqla 200-dən çox Səudiyyə koalisiya qüvvələri öldürülüb və yaralanıb.
Bu əməliyyatı Həccə vilayətinin şimalında həyata keçirilən son Ənsarullah əməliyyatının ikinci hissəsi hesab etmək olar. Əslində, Ənsarullahın Hərəz şəhərinin mühasirəsinin məğlubiyyətindən sonra irəliləməsi iki cəbhədə davam edib: 1-Hərəz şəhərinin qərb cəbhəsi 2- Əbəs şəhərinin şimal cəbhəsi. Bu ərazilərin təmizlənməsi hələ də Ənsarullahın planlarındadır və Səudiyyə koalisiyası Ənsarullah mövqelərini güclü bombardman etməklə onların hücumlarını dayandırmağa çalışır.
Daha çox oxuyun:
Ənsarullah Hərəz şəhərinin qərbində əməliyyat keçirib + Xəritə və Şəkillər
Səudiyyə koalisiyasının Hərəz şəhərindəki əməliyyatı niyə uğursuz oldu? Xəritə + Video
Həccənin şimalında baş verən son hadisələr, 14 Fevral 2022
Rəy