General Haftar Liviyanın şərqində raket təlimi keçirdi!
“İslam Dünyası Xəbərləri” informasiya mərkəzinin məlumatına görə, Liviya Milli Ordusu Əl-Kəramə raket təlimi zamanı Liviyanın şərqinə Skad raketləri atıb.
Liviya Milli Ordusu tərəfindən dünən, martın 9-da səhər saatlarında keçirilən Əl-Kəramə adlı təlimdə Raket Batalyonu Tobrukun cənub-qərbində, Benqazinin 200 və 242 kilometr cənubunda yerləşən hədəflərə dörd Skad raketi atıb.
General Haftarla yanaşı, Liviya Milli Ordusunun digər rəsmiləri və bir sıra zabitləri də orada olub.
Skad raketi Sovet İttifaqı tərəfindən 1957-1989-cu illər arası dörd modeldə hazırlanmış qısa mənzilli ballistik raketdir. Bu raketin mühərriki maye yanacaqdan istifadə edir və uçuş məsafəsi 180-700 km arasındadır.
Liviyada siyasi gərginlik Liviya parlamenti tərəfindən Fəthi Başağanın (Vefaq hökumətinin daxili işlər naziri) Liviyanın yeni baş naziri seçilməsindən, habelə hazırkı müvəqqəti baş nazir Əbdül Həmid əl-Dubaybanın uğursuz sui-qəsdindən sonra yenidən yüksəlib. Bu fikir ayrılıqları Liviyada prezident seçkilərinin bir neçə dəfə təxirə salınmasına səbəb olub və ölkənin gələcəyini daha qeyri-müəyyən edib. Beləliklə, general Haftar Liviyada Qəddafi dövründən qalma raketlər atmaqla gücünü nümayiş etdirməyə çalışır.
Daha çox oxuyun:
Afrikada baş verən son hadisələr, 11 Fevral 2022
Rəy