Təhlükəsizlik Şurası Rusiyanın Qəzza zolağında atəşkəs üçün təklif etdiyi qətnaməni təsdiqləməyib
Birləşmiş Millətlər Təşkilatının Təhlükəsizlik Şurası Rusiyanın Fələstində atəşkəs rejiminin yaradılması və Qəzza zolağında mülki şəxslərə yardım və xilas edilməsi üçün humanitar dəhlizlərin açılması ilə bağlı qətnamə layihəsini təsdiq etməyib.
Bu iclasda ABŞ, İngiltərə, Fransa və Yaponiya nümayəndələri bu şuranın qeyri-daimi üzvləri kimi Rusiyanın qətnamə layihəsinin əleyhinə səs veriblər. Həmçinin Rusiya, Çin, BƏƏ, Qabon və Mozambik ölkələri onu dəstəkləyib, Təhlükəsizlik Şurasının üzvü olan digər altı ölkə, o cümlədən Albaniya, Braziliya, Qana, Malta, İsveçrə və Ekvador bitərəf qalıb. Ümumilikdə bu qətnamə 9 müsbət səs almayıb və təsdiqlənməyib.
Rusiyanın Təhlükəsizlik Şurasındakı nümayəndəsi Vasiliy Nebenzia bu hərəkətə reaksiya verib və Şuranın Qərb nümayəndə heyətlərinin öz istəkləri girovunda qalmasından təəssüfləndiyini bildirib.
HƏMAS hərəkatı bəyanatında həmçinin Fələstində mülki şəxslərə kömək və xilas etmək üçün atəşkəs və humanitar dəhlizlərin açılması üçün bu şurada Rusiyanın təklif etdiyi qətnamə layihəsinə BMT Təhlükəsizlik Şurası üzvlərinin etirazını və mənfi səs verməsini pisləyib. “Qəzzada dinc insanlara qarşı davam edən cinayətlərə görə buna qarşı çıxan ölkələr məsuliyyət daşıyır”-deyə HƏMAS əlavə edib.
Rəy