Yəməndə baş verən son hadisələr, 25 Sentyabr 2023

1- Həzərmut:

• Sentyabrın 24-də Əl-Şəhr rayonundakı Cənub Keçid Şurasının tərəfdarları istefaya getmiş Həzərmut hökumətinin qubernatoru Məbxut Bin Mazinin Səudiyyə Ərəbistanından Əl-Mukəlla şəhərinə qayıtmasına etiraz edib və ondan çıxmasını tələb ediblər.
• Sentyabrın 25-də istefa vermiş hökumətin Həzərmut valisi Məbxut Bin Mazi bu vilayətin təhlükəsizlik komitəsinin üzvləri ilə fövqəladə iclasda Əl-Mukəlla şəhərində toplantı və nümayişlərin keçirilməsinə qadağa qoyulduğunu elan etdi.

2- Ədən:

• Şeyx Osman və Dar Səəd rayonları arasında təhlükəsizlik qüvvələrinin avtomobili yolunda bombanın partlaması nəticəsində Dar Səəd təhlükəsizlik qüvvələrinin başçısı Muslih Əl-Zərhani yaralanıb. Yəmənin cənubundakı yerli mənbələr bu hücumun İslah Partiyasının silahlıları tərəfindən həyata keçirildiyini ehtimal edir.

3- Əbyən:

• Sentyabrın 24-də Mudia rayonunun Əl-Cələn kəndində Cənub Keçid Şurasının silahlı qüvvələrinin keçdiyi yolda bombanın partlaması nəticəsində 4 nəfər ölüb, 1 nəfər yaralanıb.

4- Şəbvə:

• Əl-Qaidə silahlıları Əl-Səid rayonunun mərkəzi olan Əl-Musina qəsəbəsində Şəbvə müdafiə qüvvələrini daşıyan təcili yardım maşınına hücum edib. Bu hücum nəticəsində Şəbvə müdafiə qüvvələri və təcili yardım ekipajından 4 nəfər həlak olub.

• Sentyabrın 25-də Əl-Qaidə silahlıları Əl-Musina qəsəbəsinin ətrafındakı Əl-Qənəə bazasına bir neçə minaatanla hücum etdilər. Bəzi yerli mənbələr bu hücumun “Əl-Qaidə”nin kvadrokopterləri tərəfindən həyata keçirildiyini ehtimal edir. Əl-Səid rayonunda Əl-Qaidə hücumlarının artmasından sonra Şəbvə qubernatoru məktəblərin və ictimai yerlərin bağlanmasına göstəriş verib və həmçinin Əl-Musina ətrafındakı yüksəkliklərdə Əl-Qaidə mövqelərini təmizləmək üçün köməkçi qüvvələr göndərib.

5- Əl-Hudəydə:

• Səudiyyə koalisiya qüvvələri bu əyalətdə son 48 saat ərzində atəşkəs rejimini 184 dəfə pozub.
• Səudiyyə koalisiyasının pilotsuz təyyarələri son 48 saat ərzində Hays rayonu və Muqbina bölgəsini üç dəfə bombalayıb.

6- Səədə:

• Səudiyyə koalisiyasının Şədda və Mənbəh rayonlarına artilleriya və mərmilər hücumları nəticəsində 4 yəmənli mülki şəxs yaralanıb.