Suriya ordusu qüvvələri Tənəf Amerika bazası yaxınlığına göndərilib
Yerli mənbələr Suriya ordusu hissələrinin Suriya, İraq və İordaniya sərhəd üçbucağında yerləşən Tənəf Amerika bazası yaxınlığında yerləşdirildiyini bildirib.
“İslam Dünyası Xəbərləri” informasiya agentliyi saytının məlumatına görə, Əl-Rukban qaçqın düşərgəsində olan yerli mənbələr sentyabrın 7-də Suriya ordusunun Homs əyalətinin Tənəf bölgəsi yaxınlığında bölmələr göndərdiyini bildirib.
Bu mənbələrin iddialarına görə, Suriya ordusunun maşınları çoxlu sayda hərbçi, texnika və yüngül silahlar daşıyırdı və onlar Tənəf bazasından 70 km şimal-şərqdə və Deyr əz-Zor əyalətində Əl-Bukamal şəhərindən 130 km qərbdə yerləşən Əl-Zəkf bölgəsinə yerləşdirilib.
Qeyri-daimi qərargah yaratdıqdan sonra bir sıra suriyalı əsgərlər Homs əyalətinin Tedmor şəhərindəki qərargahlarına qayıdıblar. Hələlik bununla bağlı əlavə təfərrüatlar dərc olunmayıb və suriyalı komandirlər də şərh verməyiblər.
Rəy