Sistan və Bəlucistan vilayətində iki polis işçisinə sui-qəsd olub + VİDEO
İran İslam Respublikasının Sistan və Bəlucistan vilayətində yerləşən Taftan şəhərində naməlum silahlı şəxslərin polis maşınına hücumu nəticəsində iki polis işçisi şəhid olub.
“İslam Dünyası Xəbərləri” informasiya agentliyi saytının məlumatına görə, Sistan və Bəlucistan vilayətinin polis informasiya mərkəzi naməlum şəxslərin silahlı hücumu nəticəsində Taftan şəhəri polis komandanlığının dəstək şöbəsinin iki əməkdaşının şəhid olduğunu bildirib.
Bu terror aktında naməlum şəxslər xidməti iş görən polis əməkdaşlarının avtomobilinə atəş açıb, əməkdaşların şəxsi silah və texnikasını oğurladıqdan sonra sürətlə qaçıblar. Bu terror aktında kapitan Məhəmməd Mirşkar, dəstək şöbəsinin rəisi və konstebl Rza Fəsnəqari şəhid olub.
Bu sui-qəsd Sistan və Bəlucistan əyalətində terrorçu və separatçı qrupların dördüncü ciddi addımıdır. İranın şərq sərhədlərində, xüsusilə Pakistanın Bəlucistan əyalətində və Əfqanıstanın Nimruz vilayətində terrorçu qrupların fəaliyyətlərinin artması ilə Sistan və Bəlucistan əyalətlərində də təhlükəsizlik və kor-koranə sui-qəsdlər artıb və bu fəaliyyətlərin gələn aylar daha da güclənəcəyi gözlənilir.
Daha çox oxuyun: Sistan və Bəlucistan yol polisinə silahlı hücum olub + FOTO
Rəy