Suriyanın şərqində SDQ qüvvələri tərəfindən İŞİD-in cəbhə komandiri həbs edilib

“İslam Dünyası Xəbərləri” informasiya agentliyi saytının məlumatına görə, Suriya Demokratik Qüvvələri (SDQ) avqustun 20-də Deyr əz-Zor vilayətinin bəzi bölgələrində əməliyyata başlayıb.

Suriya Demokratik Qüvvələrinin media mərkəzi SDQ-nin xüsusi bölmələrinin Əl-Əzbə kəndində keçirdiyi əməliyyat zamanı İŞİD terror qruplaşmasının cəbhə komandirlərindən birini həbs etdiyini açıqlayıb. Bu İŞİD lideri silahların Əl-Hul düşərgəsinə ötürülməsində mühüm rol oynayıb və həmçinin Həsəkə əyalətində yerləşən Rəəs Əl-Eyn şəhərində bu terror qruplaşmasının digər ünsürləri ilə əlaqədə olub. Həmçinin bu əməliyyatda bəzi silah-sursat və bəzi saxta şəxsiyyət vəsiqələri aşkar edilərək götürülüb.

SDQ-yə yaxın medianın məlumatına görə, bu əməliyyat Amerika koalisiyasının hava dəstəyi ilə həyata keçirilib.