Yəmən cəbhələrinin son vəziyyəti; İşğal olunmuş ərazilərdə nə baş verir? XƏRİTƏ

Ənsarullah və Səudiyyə koalisiyası arasında yazılmamış atəşkəs rejiminin davam etməsinə baxmayaraq, Yəməndəki münaqişələr bu ölkənin işğal olunmuş ərazilərinə keçib və Səudiyyə koalisiyasına tabe olan qruplaşmalar Yəməndə daha çox güc və təsir əldə etməyə çalışırlar. Bu vəziyyət Yəmənin istefa vermiş hökumətinin mövqelərinin zəifləməsinə səbəb olub və bu hökumətin prezident şurasının üzvləri Ənsarullaha qarşı onun uğurlarına ümid bəsləməyib və öz ideal planlarının həyata keçirilməsinə, o cümlədən Cənubi Yəməni və sair bölgələri parçalamağa doğru gediblər. Bu xaotik vəziyyətlə yanaşı, Yəmənin mərkəzi və şərq bölgələrində əhəmiyyətli pərəstişkarlara malik olan təkfirçi terror qruplaşması Əl-Qaidə öz fəaliyyət dairəsini genişləndirərək Yəmən müharibəsində iştirak edən tərəflər cərgəsinə qarışıb.

Yəmənin xəritəsi 15 iyul 2023-cü ilə qədər ən son cəbhə vəziyyətinə uyğun olaraq və aşağıdakı kateqoriyalarla redaktə edilmişdir:

Ədən, Lahic və Təiz cəbhələri:
2023-cü il yanvarın 14-də Tariq Saleh qüvvələri Milli Müqavimətə tabe olan Birləşmiş Qüvvələr (Quvvat Əl-Muştərəkə) batalyonunu göndərərək Ləhic vilayətinin sahilindəki Rəs Əl-Arə bölgəsini nəzarətə götürdü. Lakin bu irəliləyiş Əl-Səbihə qəbilələri və Tariq Saleh arasındakı ixtilaf səbəbindən əngəlləndi və İstefa Vermiş Yəmən Hökumətinin Prezident Şurasının başçısı Rəşad Əl-Əlimi 1 fevral 2023-cü ildə Bəşir Seyf Əl-Muzribi Əl-Səbihinin rəhbərliyi altında bu ərazidə Əd-Dər Əl-Vətən qüvvələrinin yeni briqada yaratmaq planını təsdiqləyərək bu ərazilərdəki gərginliklərə son qoydu. Əl-Səbihi Dəmac bölgəsində sələfilər mərkəzində təlim keçmiş ən görkəmli şəxslərdən biridir və Əl-Əmaliqə qüvvələrinin komandiri Əbd Ər-Rəhman Əbu Zare Əl-Məhrəminin Rəs Əl-Arə bölgəsində fəaliyyət göstərən yaxın qohumudur.

Təiz şəhəri hazırda İslah Partiyası və İstefa Vermiş Yəmən Hökuməti qüvvələrinin və bəzi özbaşına silahlı qrupların nəzarəti altındadır. İslah Partiyasının müxalifətinə baxmayaraq, Tariq Saleh bu şəhərə qayıdıb və bu şəhərdə öz tərəfdarlarını sistematik şəkildə toplayıb. Tariq Salehin Təizə gəlişindən sonra baş verən mühüm gərginliklər arasında bəzi KİV-lərin Tariq Salehin göstərişi ilə həyata keçirildiyini iddia etdiyi İstefa Vermiş Hökumətin müdafiə naziri Möhsün Əl-Daairiyə olan uğursuz sui-qəsdini qeyd etmək olar. Bu gərginliklər İstefa Vermiş Hökumətin son səkkiz ildə Ənsarullah tərəfindən Təiz şəhərini mühasirəyə alması ilə bağlı iddialarını şübhə altına alır. Çünki Təiz vilayətinin qərb yolu və cənub bölgələri İslah Partiyası silahlıları və Tariq Saleh qüvvələrinin nəzarəti altındadır və bu qruplaşmaların daxili gərginliyi Təizə gediş-gəlişin məhdudlaşdırılmasına və humanitar yardımın göndərilməməsinə səbəb olub. Bu məsələyə baxmayaraq, Ənsarullah bir neçə dəfə könüllü olaraq Sənaa-Təiz yolunu yenidən açıb, lakin İslah Partiyası silahlıları mülki avtomobillərin Təizə daxil olmasına mane olublar.

“Əd-Dər Əl-Vətən” qüvvələri (Səudiyyə Ərəbistanı tərəfindən dəstəklənir) 25 dekabr 2022-ci ildə Cənub Keçid Şurasının silahlı üzvlərini çıxararaq və sudanlı muzdluları təxliyə edərək Ləhic əyalətindəki mühüm Əl-İnəd bazasına nəzarəti ələ keçirdilər. Əd-Dər Əl-Vətənin bu hərəkəti Səudiyyə Ərəbistanının Cənub Keçid Şurasını məhdudlaşdırmaq üçün ilk addımı kimi qiymətləndirilə bilər. Səudiyyə Ərəbistanı öz mediaları vasitəsilə Cənub Keçid Şurasını Yəmənin cənub və şərq vilayətlərinin siyasi səhnəsindən çıxarmaq niyyətində olduğunu açıqlasa da, bu iddia indiyə qədər ciddi şəkildə həyata keçirilməyib və əslində Səudiyyə Ərəbistanı Əd-Dər Əl-Vətən qüvvələri ilə hərbi qarşıdurma və Milli Həzərmut Şurası və bu qəbildən olan təşkilatlar yaratmaqla cənublularla siyasi qarşıdurma və Yəmənin cənubunu bölmək planı ilə məşğul olmaq niyyətindədir.

Bu baxımdan İstefa Vermiş Hökumətin və Səudiyyə Ərəbistanının Ədən şəhərindəki bazalarına nəzarət də Əd-Dər Əl-Vətən qüvvələrinə verilib və Səudiyyə müşavirləri onlarla yanaşı Ədənin təhlükəsizlik məsələlərini idarə edir.

Daha çox oxuyun:
Yəmənin Ədən vilayətində Əl-Dər Əl-Vətən qüvvələri ilə Cənub Keçid Şurası qüvvələri arasında qarşıdurma başlayıb + XƏRİTƏ
Ədəndəki qarşıdurmalardan son xəbərlər; BƏƏ səfiri cənublulara kömək etməyə tələsdi + FOTO
Ədəndəki qarşıdurmalardan ən son xəbərlər; Cənublular Səudiyyə Ərəbistanına təslim olmaq istəmirlər!
Yəmənin cənubundakı qarşıdurmalardan ən son xəbərlər, Murad qəbiləsi silahlıları Ədəndəki qarşıdurmalara qarışdı
Ədən və Əbyən münaqişələrindən ən son xəbərlər, İdrus Əl-Zubeydinin Ədənə girişi qadağandır!

Əbyən Cəbhəsi:
“Əl-Qaidə” terror qruplaşması Şəbvə və Əbyən əyalətlərinin bəzi qəbilələrindən yüzlərlə silahlı insanı öz sıralarına cəlb etməklə öz fəaliyyətini yenidən Əbyən vilayətinin şimalına və Şəbvə əyalətinin bəzi hissələrinə keçirib. Onların əsasən yol partlayışları və partizan hücumları ilə məhdudlaşan fəaliyyətləri Cənub Keçid Şurası qüvvələrinin Əl-Məhfəd və Mudiya rayonlarının əksər bölgələrindən geri çəkilməsinə səbəb olub. Hazırda bu rayonların mərkəzləri cənub silahlılarının nəzarəti altındadır, lakin dağlıq ərazilərin əksəriyyətinə Əl-Qaidə nəzarət edir və Vadi Omranda isə tərəflər arasında münaqişə davam edir.

Əl-Qaidənin bu cəbhədə fəaliyyətlərinin artması Səudiyyə Ərəbistanı tərəfindən dəstəklənməyə bilər, lakin Cənub Keçid Şurasının Əbyən əyalətində mövqelərinin zəifləməsinə səbəb olduğu üçün Səudiyyə Ərəbistanının buna qarşı çıxmaması və Səudiyyəlilərin gizli şəkildə Əl-Qaidəni dəstəkləməsi ehtimalı da var. Çünki “Əl-Qaidə” xaricdən dəstək olmadan əldə edilə bilməyən kvadrokopter və s. kimi nadir silahlardan istifadə etməyə başlayıb.

Daha çox oxuyun:
Reklam dronları; İŞİD-dən Yəməndəki Əl-Qaidəyə qədər
Əl-Qaidənin son əlli gündə Yəməndəki fəaliyyətlərinə dair hesabat + FOTO

Şəbvə Cəbhəsi:
8 aprel 2023-cü ildə Şəbvə Müdafiə Qüvvələrini qovduqdan sonra Əl-Əmaliqə Qüvvələri Bihan rayonuna nəzarəti ələ keçirməyə müvəffəq oldular. Bu rayonun ətrafındakı ərazi də Şəbva Müdafiə Qüvvələrinin nəzarətindədir və bu cəbhədə Əl-Qaidə hücumları daha çox bu qüvvələrin mövqelərinə qarşı həyata keçirilir.
11 iyun 2023-cü ildə Bihandakı İslah Partiyasının komandirlərindən Abdullah Əl-Banini öldürmək bəhanəsi ilə Əl-Qaidə silahlıları Əl-Səid rayonunun Əl-Musina qəsəbəsinə hücum etdilər və buranın ətraf ərazilərinin bir hissəsini ələ keçirdilər. Bu qarşıdurmada mühüm məqam Əl-Qaidənin kvadrokopterlərdən istifadə etməsi, eləcə də cənublulara dəstək məqsədilə Amerika dronlarının bu qruplaşmanın mövqelərinə hücumu olub. Amerikanın cənublulara dəstəyi Cənub Keçid Şurası və Şəbvə icra hakimi İvəd Bin Əl-Vəzir Əl-Əvlakinin mövqeyini gücləndirdi, Əd-Dər Əl-Vətən və İslah partiyalarının Səudiyyə Ərəbistanının dəstəyi ilə Ətəq şəhərində əməliyyat imkanlarını azaldıb. Səudiyyə Ərəbistanı dəstəklədiyi qüvvələri Ətəqin şimal cəbhəsinə və Cordan rayonuna qədər yerləşdirib və cənubluları Ətəq şəhərindən və Şəbvə vilayətinin neft məntəqələrindən qovmaq niyyətindədir. Buna görə də Səudiyyə Ərəbistanı ilə BƏƏ arasında Şəbvə əyalətində rəqabət ABŞ-ın müdaxiləsi ilə dayandırılıb və ABŞ-ın Yəməndəki səfiri Stiven Feqinin İvəd Bin Əl-Vəzir Əl-Əvlaki ilə görüşləri ABŞ-ın Şəbvə neft yataqlarından istifadə etməyi planlaşdırdığını göstərir.

Daha çox oxuyun:
Yəməndə İslah Partiyası ilə Cənub Keçid Şurası arasında silahlı qarşıdurma baş verib
Amerika dronları Şəbvə əyalətində Əl-Qaidə ilə cənublular arasında qarşıdurmaya daxil olub + FOTO
Əs-Səid rayonundakı Əl-Qaidə mövqelərinə naməlum dron hücumu olunub

Mərib cəbhəsi:
2022-ci il noyabrın sonlarında İslah Partiyası ilə İstefa Vermiş Hökumət arasında artan fikir ayrılıqlarından sonra İstefa Vermiş Yəmən hökumətinin Silahlı Qüvvələrinin baş komandanı general-leytenant Saqir Bin Əzizin qüvvələri ilə İslah Partiyası arasında gərginliklər baş verib. Bu münaqişə Məribin şərq bölgələri qəbilələrinin vəziyyətdən narazılıqlarını ifadə etmələrinə və onların Saqir Bin Əziz qüvvələri və İslah Partiyası ilə münaqişəsinə səbəb oldu. Bu münaqişələrin kökündə neft gəlirlərinin bölüşdürülməsi ilə bağlı mübahisə dayanır və qəbilələr neft gəlirlərinin bir hissəsinin onlara ödənilməli olduğunu iddia edirlər. Məribdə Saqir bin Əzizlə İslah Partiyası arasında mübahisə davam edir. Lakin Səudiyyə Ərəbistanı bu mübahisəni müvəqqəti dayandırıb. O, İslah Partiyasının gücünü Əd-Dər Əl-Vətən qüvvələrini cəlb etmək üçün cəmləşdirir. Səudiyyə, bu məsələlər fonunda İslah Partiyasının cəbhə komandirlərindən biri olan briqada generalı Əbd Rəbəni Şəbvə vilayətində Əd-Dər Əl-Vətənin briqadalarından birinə komandir təyin edib.

Hazırda Yəmən Cənub Keçid Şurası tərəfindən Yəmənin cənubunun bölünməsi, ABŞ, Avropa və Ərəb ölkələri tərəfindən neft və qaz ehtiyatlarının müstəmləkələşdirilməsi, Yəmənin mərkəzində terror qruplarının mövcudluğu və Səudiyyə Ərəbistanı və Birləşmiş Ərəb Əmirliklərinin işğalı və s. da daxil olmaqla bir sıra ciddi problemlərlə üz-üzədir. Ənsarullah və İstefa Vermiş Hökumət Cənubi Yəmənin parçalanmasına qarşıdır, ona görə də Cənubi Yəmənin dirçəldilməsinə can atan Cənub Keçid Şurası ilə razılaşmayacaqlar və bu qrup Cənubun parçalanması planını həyata keçirə bilməyəcək. Amma neft və qaz ehtiyatlarının müstəmləkələşdirilməsi və adaların əcnəbilərə təhvil verilməsi məsələsi Ənsarullahın Yəməndə qarşı çıxdığı yeganə məsələdir. Bu məsələ ilə məşğul olmaq neft və qaz ixracının qarşısını almaq qədər getdi, lakin Yəməndə Amerika, Avropa və digər xarici şirkətlər və əsgərlər üçün təhlükə yaratmadı. Əslində, qərblilərin beynəlxalq arenada siyasi təzyiqləri və Birləşmiş Millətlər Təşkilatı kimi bir qurumun mövcudluğu bir rıçaq halına gəldi ki, Ənsarullah Yəmənin ərazi bütövlüyünü əcnəbilərin əlindən ala və bütün ərazi üzərində suverenliyini bərqərar edə bilməsin. Ərəb ölkələrinin işğalı və Yəməndə terrorçu qrupların mövcudluğu yalnız ciddi qarşıdurma və Yəmən ordusu və Ənsarullahın hərbi nüfuzu ilə aradan qaldırılacaq və Ənsarullah İran və müqavimət qruplarının dəstəyi ilə bu mərhələyə hazırlaşmalıdır. Yəməndəki hadisələrin bu mərhələsində siyasi danışıqlar o qədər də təsirli deyil və hamımız bilirik ki, “sülh danışıqları” açıq-aşkar iddiadır və bunun arxasında yeni güc toplamaq və başqa bir hücum planı yerləşir.

Daha çox oxuyun: Yəmən cəbhələrinin son vəziyyəti; Yəmən müharibəsində iştirak edən tərəflər haqqında ümumi məlumat + AZƏRİ XƏRİTƏ

İslam Dünyası Xəbərləri məzmunundan istifadəyə yalnız mənbə və “İslam Dünyası Xəbərləri” adı qeyd edilməklə icazə verilir.