İşğal altındakı Fələstində minlərlə sionist Netanyahuya qarşı nümayiş keçirib

İyunun 3-də Təl-Əviv və işğal olunmuş Fələstinin bir sıra digər şəhərlərində 100 mindən çox sionist Netanyahunun məhkəmə islahatları planlarına etiraz edib.

Etirazçılar elan ediblər: “Hakimiyyət islahat planını dayandırsa belə, biz hələ də hazır olduğumuzu göstərmək üçün nümayişlərimizi davam etdirəcəyik. Onlar hiylə ilə qanun qəbul edə bilməzlər”.

Netanyahu və onun ekstremist kabineti iddia edir ki, sionist rejimin məhkəmə sistemində struktur dəyişikliklərinin məqsədi qanunvericilik və məhkəmə səlahiyyətləri arasında balans yaratmaqdır, lakin etirazçılar İsrailin yeni hökumətinin təklif etdiyi məhkəmə islahatlarının bu rejimin məhkəmə sisteminin müstəqilliyinə ölümcül zərbə vuracağına inanırlar.

Qeyd edək ki, hər həftənin şənbə günləri işğal olunmuş Fələstinin müxtəlif şəhərlərində sionistlərin nümayişləri davam edir. Netanyahunun məhkəmə islahatları proqramına etiraz olaraq keçirilən bu mitinqlər artıq ardıcıl 22-ci həftəyə daxil olub. İsrail rejiminin baş naziri martın 27-də bu rejimin məhkəmə sistemi ilə bağlı mübahisəli planlarının dayandırıldığını elan edib, lakin sionist nümayişləri davam edir.

Daha çox oxuyun: Sionistlərin Netanyahuya qarşı nümayişləri davam edir + FOTO