Suriyada baş verən son hadisələr, 3 İyun 2023

1- Hələb:
Mayın 30-da Suriyanın Hələb vilayətində yerləşən Eyn Əl-Ərəb (Kubani) şəhərinin şərqində Rusiya hərbi polisi və Türkiyə ordusunun qüvvələrinin birgə patrul xidməti həyata keçirilib. Bu, Rusiya və Türkiyə arasında Suriyanın şimalında atəşkəs razılaşmasının imzalanmasından sonra keçirilən 139-cu birgə hərbi patrul xidmətidir.

2- İdlib:
-Mayın 30-da Rusiya ordusunun aviasiyası Ariha şəhəri ətrafında Bezabur məntəqəsində Təhrir Əş-Şam terror qruplaşmasının qərargahını hədəfə alıb. Bu, Rusiya ordusunun son bir həftə ərzində İdlib vilayətində Təhrir Əş-Şam terrorçularına qarşı ikinci hücumudur.

Daha çox oxuyun: Rusiya Hərbi Hava Qüvvələri Təhrir Əş-Şam terrorçularının İdlibdəki qərargahına hücum edib + VİDEO

-Mayın 28-də İdlibin cənubunda yerləşən Ahsom bölgəsinin kənarındakı terrorçuların mövqeləri Suriya ordusunun artilleriya hücumları ilə hədəfə alınıb.
-Mayın 24-də İdlibin cənubunda yerləşən Deyr Sunbul bölgəsindəki terrorçuların mövqeləri Suriya ordusunun artilleriya hücumu ilə hədəfə alınıb.

3- Dəraa:
Mayın 29-da Dəraa əyalətinin Əl-Həraak – Əs-Sura yolunda Suriya ordusunun patrul karvanının keçdiyi yolda yol kənarına yerləşdirilən bomba partladılıb. Bununla bağlı əlavə təfərrüatlar açıqlanmayıb.

4- Deyr əz-Zor:
Deyr əz-Zor əyalətində yerləşən Əl-Şəhil qəsəbəsində son həftələrdə ikinci dəfə olaraq naməlum şəxslər tərəfindən İŞİD terror qruplaşmasının loqosu ilə qadınların islami hicaba riayət etmələri ilə bağlı tövsiyələrin yer aldığı elanlar yayılıb.

5- Raqqa:
Mayın 29-da Suriya Demokratik Qüvvələrinin (SDQ) avtomobilinin Eyn İsa – Təll Əs-Səmən yolundakı yolunda baş verən partlayış nəticəsində 4 SDQ əsgəri həlak olub.

6- Həsəkə:
-İyunun 3-də Amerika koalisiyasının təyyarələri naməlum səbəblərdən Həsəkə vilayətində yerləşən Əl-Şaddadi şəhəri üzərində uçuşlar həyata keçirib. Hələlik bununla bağlı əlavə təfərrüatlar açıqlanmayıb.
-İyunun 1-də rus ordusunun qüvvələri türk əsgərlərinin iştirakı ilə Amuda və Dərbasiyyə bölgələrində patrul xidməti həyata keçirib.

7- Quneytərə:
Mayın 29-da Suriya ordusunun 90-cı briqadasının mayoru və bir əsgəri Quneytərə şəhərinin ətrafında bombanı zərərsizləşdirərkən şəhid olub. Quneytərə əyaləti son aylarda çoxsaylı partlayışlar və sui-qəsdlərin şahididir və bu anti-təhlükəsizlik tədbirləri hələ də davam edir.

8- Dəməşq:
Mayın 29-da sionist rejim qırıcıları işğal altındakı Colandan bir neçə raketlə Dəməşq ətrafında yerləşən hədəflərə hücum edib və hava hücumundan müdafiə qüvvələri raketlərin əksəriyyətini vurub. Bu hücum maddi ziyana səbəb olub.

Daha çox oxuyun: İsrail aviasiyası Suriyanın paytaxtına hava zərbələri endirib + FOTO

9- Homs:
Ötən həftə Homs səhrasında naməlum silahlı ünsürlərin Əl-Qüds Briqadası qüvvələrinin maşınına hücumu nəticəsində Əl-Qüds Briqadası qüvvələrinin iki üzvü şəhid olub.

10- Tacikistan Xarici İşlər Nazirliyi Suriyanın şimal-şərqindəki əcnəbi İŞİD üzvlərinin düşərgələrindən 73-ü uşaq və 31-i qadın olmaqla 104 tacik İŞİD üzvü və onların ailə üzvlərini ölkələrinə qaytarıb. Tacikistan Xarici İşlər Nazirliyi həmçinin, Qazaxıstan hakimiyyətinin tələbi ilə İŞİD üzvü olan 5 Qazaxıstan vətəndaşını, o cümlədən bir qadın və dörd uşağı Tacikistana gətirib.

11- Mayın 21-də Suriya Demokratik Qüvvələri (SDQ) Həsəkə, Deyr əz-Zor və Mənbic ətrafında həyata keçirdikləri dörd təhlükəsizlik əməliyyatında İŞİD terror qruplaşmasının 8 üzvünü həbs etdiklərini açıqladı.