Türkmənistan Xalq Məsləhət Şurası sədrinin İrana səfəri; Sərhəd magistral yolu Xəzər dənizinə çəkiləcək + FOTO

Türkmənistanın ümummilli lideri və Xalq Məsləhət Şurasının sədri Qurbanqulu Berdiməhəmmədov və onun yüksək səviyyəli nümayəndə heyəti mayın 31-də Tehrana səfəri zamanı İran İslam İnqilabının rəhbəri İmam Xamenei, İran İslam Respublikası prezidenti Ayətullah Rəisi, İran İslam Şuarısının sədri Məhəmməd Baqir Qalibaf və Nizamın Məsləhət Şurası sədri Höccətül-İslam vəl-Müslimin Sadiq Amoli Laricani ilə görüşüb söhbət edib.

Berdiməhəmmədovun İran rəsmiləri ilə görüş və danışıqlarında enerji, dəmir yolu və avtomobil nəqliyyatı, tranzit və gömrük işi, elektrik enerjisi mübadiləsi və ticarət, iqtisadi və sənaye əməkdaşlığı, tibb və səhiyyə sahələri, iqtisadi və ticarət sərgiləri, iki ölkə arasında ortaq su və kənd təsərrüfatı idarəsində birgə əməkdaşlığın genişləndirilməsi diqqət mərkəzində olub.

İmam Xamenei Berdiməhəmmədov ilə görüşündə İran və Türkmənistanın qohumluq və mədəni ortaqlığını vurğulayaraq, müxtəlif sektorlarda, xüsusilə enerji (su, elektrik və qaz) və yollar sahələrində əlaqələrin daha da genişləndirilməsinə çağırıb və Xalq Məsləhət Şurası sədrinin Türkmənistan xalqının mədəni və dini məsələləri ilə bağlı xüsusi diqqəti, mədəniyyət mərkəzlərinin və məscidlərin genişləndirilməsi səylərini yüksək qiymətləndirdi. İnqilab Rəhbəri, türkmən tərəfinin iki ölkə arasında Xəzər dənizinə qədər sərhəd magistralının tikintisi ilə bağlı müraciətinə toxunaraq, İranın Yol və Nəqliyyat Nazirliyinin bu yolu tikmək imkanına malik olduğunu deyib və İranın şimaldan cənuba Türkmənistanı və ətraf ölkələri Oman dənizinə birləşdirəcək tranzit marşrutunu tamamlamaq üçün səylərini vurğulayıb.

Qeyd edək ki, Seyid İbrahim Rəisi və Qurbanqulu Berdiməhəmmədovun iştirakı ilə İran və Türkmənistan hakimiyyəti arasında elektrik enerjisi mübadiləsi, gömrük sahəsində əməkdaşlıq və universitet əməkdaşlığı sahələrində 5 əməkdaşlıq sənədi imzalanıb.

Aprelin 21-də sionist rejimin Aşqabadda daimi səfirliyinin açılışı digər qeyd olunası mühüm məsələlərdən biridir. Onun İran rəsmiləri ilə söhbətləri Türkmənistanın İrana böyük regional güc kimi xüsusi baxışını, eləcə də İranın xarici siyasətində Türkmənistanın xüsusi əhəmiyyətini ortaya qoyur.

Daha çox oxuyun:
İsrailin Türkmənistan və Azərbaycanla əlaqələri; İranın Mərkəzi Asiyaya nüfuz etməsinin qarşısının alınması
Türkmənistanda İsrail səfirliyi açıldı + FOTO