İsrail qırıcıları Livana hücum edib; Beş nəfər şəhid olub

Mayın 31-də İsrail rejiminin qırıcıları Livan və Suriya sərhədində yerləşən Biqaa vilayətində Fələstin Xalq Qurtuluş Cəbhəsinin mərkəzi komanda qərargahını hədəfə alıb və ilkin məlumata görə, azı 5 nəfər şəhid olub.

Bu hücuma ilk reaksiya olaraq Fələstin Xalq Qurtuluş Cəbhəsi Biqaa bölgəsində 5 əsgərinin şəhid olduğunu və daha 10 əsgərin yaralandığını təsdiqləsə də, İbrani mediası İsrail rəsmilərinə istinadən Livan torpaqlarına hər hansı hava hücumu təşkil etdiyini təkzib edib. Bununla bağlı əlavə təfərrüatlar açıqlanmayıb.

İvrit dili şəbəkəsinin müxbiri Rui Kays bununla bağlı olaraq bildirib: “İsrail ordusunun Fələstin Xalq Qurtuluş Cəbhəsinin Livandakı qərargahına hücumunun qeyri-adi şəkildə inkarı Hizbullahın baş katibi Seyid Həsən Nəsrullahın, İsrailin Livan torpaqlarına səhv təxmin etməklə hücumunun qarşısını almaq üçün etdiyi təhdidlərlə bağlıdır və zaman bu məsələni həll edəcək”.

Bundan əvvəl Livan Hizbullahının baş katibi Seyid Həsən Nəsrullah çıxışında bildirmişdi ki, Livan müqaviməti Livanda istənilən insana, istər livanlı, istər fələstinli, istərsə də hər hansı digər millətdən olan hər hansı hücuma qəti və tez cavab verəcək.