Zelenskinin müşaviri İranı hədələdi!

Ukrayna prezidenti Vladimir Zelenskinin müşaviri Mixail Podoliak İranın Rusiyanın Ukraynaya qarşı müharibəsində iştirakı iddialarını təkrarlayaraq, hədələyici mesajında ​​Tehranın atdığı addımların nəticələri ilə üzləşəcəyini bildirib.

O, bəyan edib ki, Tehran bu müharibədə Moskvanın əsas müttəfiqinə çevrilib və bu ölkəni mülki şəhərlərə hücum etmək üçün qəsdən silahla təmin edir.

Sənədləri dərc etmədən Podoliak iddia edib: “Rusiya ordusu İranın Şahid dronları ilə Ukraynaya hücum edir. Bu yaxınlarda 50 Şahid dronu ilə Kiyevə hücum bu faktın əyani təsdiqidir. Hüquqi nöqteyi-nəzərdən İran bunu qəsdən və öz addımlarının nəticələrini dərk edərək edir və bunun nəticələri mütləq olacaq”.

Zelenskinin müşaviri təhdid edərək deyib: “Bu gün mən Tehrana həyatın əsas qaydalarını, xüsusən də bumeranq qanununu xatırlatmaq istəyirəm. Coğrafi məsafə illüziyasına və ya bu gün Ukraynanın prioritetlərinin səhv başa düşülməsinə aldanmayın, Şahid dronları buraxıldıqdan sonra bir gün mütləq öz istehsalçılarına qayıdacaq”.

Keçmişdə də anti-İran mövqeləri olan Podoliak 2022-ci ilin noyabrında Rusiyanın Ukrayna ilə müharibədə istifadə etdiyi dronların İran tərəfi tərəfindən təmin edildiyini bildirərək, İrandakı dron istehsal edən şirkətlərə hücum çağırışı etmişdir!

Daha çox oxuyun: Zelenskinin müşaviri İranda dron istehsalçılarına hücuma çağırış edib!