Somalidə Əl-Şəbab Əl-Mücahidin tərəfindən su bəndi tikilib + VİDEO
“İslam Dünyası Xəbərləri” informasiya agentliyi xəbər verir ki, Somalinin “Əl-Şəbab Əl-Mücahidin” terror qruplaşmasının media qolu olan Əl-Kətaib İnstitutu, Somalinin cənub-qərbində bu qruplaşmanın ünsürləri tərəfindən Bay əyalətində Bolofli su bəndinin tikintisinin 35 dəqiqəlik videosunu nümayiş etdirib.
Bu videoda Bolofli su bəndi tikinti mərhələlərini göstərməklə yanaşı, Somalinin cənubundakı Mərkəzi Şabili əyalətində Şabili çayından şaxələnən bir neçə kənd təsərrüfatı kanalının bərpası göstərilir. Son 7 ildə quraqlıqdan əziyyət çəkən Somalinin cənubundakı Aşağı Şabili əyalətində Şabili çayının qazılması və Sablali ərazisinə su gətirilməsi layihəsi bu videoda təqdim olunan digər hissələrdəndir.
Qeyd edək ki, bu videonun bir neçə hissəsi Əl-Şəbab Əl-Mücahidin əmiri Əbu Ubeydə Əhməd Ömərin Əl-Şəbab Əl-Mücahidinin quraqlıqla mübarizə planları ilə bağlı son sözlərinə həsr olunub.
Somalinin müxtəlif bölgələrinin məhrum insanları arasında əsas lazımi ləvazimatların paylanılması Əl-Şəbab Əl-Mücahidin-in məhrum insanlara təqdim etdiyi başqa bir xidmətdir. Əl-Şəbab Əl-Mücahidinə bağlı Şahada xəbər agentliyi mayın 7-də bazar günü Somalinin cənub-qərbində Cizo əyalətinin Taftağlı və Cəlvin iki bölgəsində 700-ə yaxın məhrum ailəyə düyü, un, şəkər, süd və yağ kimi əsas ərzaqlardan ibarət səbətlər paylanılması barədə məlumat verib.
Somali ordusuna və Afrika Birliyinə bağlı qüvvələrə (AMISOM) qarşı genişmiqyaslı əməliyyatlar aparan Əl-Şəbab Əl-Mücahidin, mövcud olduğu ərazilərdə xalqın razılığını qazanmağa çalışır.
Daha çox oxuyun: Somalidəki cərəyanlarla tanışlıq + XƏRİTƏ
Rəy