İordaniya qırıcıları Suriyanın cənubuna hücum edib + FOTO və VİDEO
“İslam Dünyası Xəbərləri” informasiya agentliyi xəbər agentliyi verir ki, İordaniya ordusunun Suriyanın Dəraa və Suveyda əyalətlərindəki hədəflərə endirdiyi hava zərbələri nəticəsində 6-sı uşaq olmaqla 8 mülki şəxs həlak olub.
Mayın 7-də İordaniya ordusunun qırıcıları narkotik qaçaqmalçılığı ilə mübarizəni bəhanə gətirərək, Dəraa əyalətinin Xarab Əl-Şəhm bölgəsindəki emalatxananı və Suveyda əyalətinin Əl-Şəab bölgəsindəki evi hədəfə alıblar.
İordaniya qırıcılarının hədəf aldığı evin Suriyanın cənub bölgəsində tanınmış qaçaqmalçılardan biri olan Məraa Əl-Rəmsan (45 yaş) adlı şəxsə məxsus olduğu bildirilir. Bu hücumda o, həyat yoldaşı və altı uşağı ilə birlikdə həlak olub.
Bu hücum, İordaniyanın xarici işlər naziri Əymən Əs-Səfədinin mayın 5-də narkotik vasitələrin qanunsuz dövriyyəsinin qarşısını almaq üçün lazımi tədbirlər görməyib, Suriya daxilində hərbi əməliyyatların aparılacağı ilə bağlı hədələməsindən sonra baş verib. O vurğulayıb ki, biz, narkotik vasitələrin qanunsuz dövriyyəsi təhlükəsini heç də yüngül qəbul etmirik.
Suriyanın rəsmi orqanları və hərbi komandirləri hələlik bu məsələyə münasibət bildirməyiblər.
Rəy