İşğal olunmuş Fələstində Netanyahuya qarşı sionistlərin etirazları davam edir + FOTO
“İslam Dünyası Xəbərləri” informasiya agentliyi xəbər verir ki, minlərlə sionist işğal olunmuş Fələstində ardıcıl 18-ci həftədir ki, sionist baş nazirin məhkəmə islahatı proqramına etiraz edib.
Minlərlə sionist mühacir mayın 6-da Təl-Əvivdə və işğal olunmuş ərazilərin bir sıra digər şəhərlərində Netanyahunun məhkəmə islahatları planlarına qarşı etiraz aksiyası keçirib.
Bununla əlaqədar olaraq, sionist Kan kanalı bildirib ki, işğal olunmuş ərazilərdə məhkəmə islahatlarına qarşı nümayişlərin təşkilatçıları Nazirlər Kabineti koalisiyasının bu islahatlarla bağlı bəyanatlarının doğruluğunu şübhə altına alan məsələlər barədə, bu həftə Benyamin Netanyahunun kabineti ilə keçiriləcək danışıqlarda həlledici mövqelər tutmağı tələb ediblər.
İsrail rejiminin baş naziri Benyamin Netanyahunun bu rejimin məhkəmə sistemi ilə bağlı mübahisəli planını dayandırmaq barədə açıqlamasına baxmayaraq, Netanyahuya qarşı nümayişlərin təşkilatçıları məhkəmə islahatlarının dayandırılması ilə bağlı dərc olunan xəbərlərə inanmayıblar. Həmçinin, Netanyahu kabinetinin qanunvericilik prosesini davam etdirməyə qərar verdiyini qəbul etmədiklərini bildiriblər.
Qeyd edək ki, hər həftənin şənbə günləri işğal olunmuş Fələstinin müxtəlif şəhərlərində sionistlərin nümayişləri davam edir. Netanyahunun məhkəmə islahatları proqramına etiraz olaraq təşkil edilən bu mitinqlər artıq 18-ci həftəyə daxil olub.
Rəy