İşğal olunmuş Fələstində 160 mindən çox sionist Netanyahuya qarşı etiraz aksiyası keçirib
“İslam Dünyası Xəbərləri” informasiya agentliyi xəbər verir ki, 160 mindən çox sionist işğal altındakı Fələstində İsrail baş nazirinin həyata keçirdiyi məhkəmə islahatı proqramına 17-ci həftə olaraq ardıcıl etiraz edib.
Minlərlə sionist mühacir aprelin 29-da Təl-Əvivdə və işğal olunmuş ərazilərin bir sıra digər şəhərlərində Netanyahunun məhkəmə islahatları planlarına qarşı etiraz aksiyası keçirib.
Bu mitinqlər bir neçə gün əvvəl Benyamin Netanyahunun kabinetinin on minlərlə tərəfdarı küçələrə çıxaraq mübahisəli məhkəmə islahatları planını dəstəklədikdən sonra keçirilib.
İsrail mediasının açıqlamasına görə, məhkəmə islahatları planından irəli gələn ikiqütblü vəziyyət işğal olunmuş ərazilərdə hökmranlıq edir və Netanyahunun tərəfdarları küçələrə çıxaraq böhrandan əziyyət çəkən kabinetində qüvvələr balansını bərpa etməyə çalışırlar.
Qeyd edək ki, İsrail rejiminin baş naziri Benyamin Netanyahu martın 27-də bu rejimin məhkəmə sistemi ilə bağlı mübahisəli planını dayandırdığını açıqlasa da, işğal olunmuş Fələstinin müxtəlif şəhərlərində hər şənbə günü sionist nümayişləri davam edir. Netanyahunun məhkəmə islahatları proqramına etiraz olaraq təşkil edilən bu mitinqlər artıq 17-ci həftəyə daxil olub.
Daha çox oxuyun:
İşğal olunmuş Fələstin sakinlərinin Netanyahuya qarşı kütləvi nümayişləri davam edir + VİDEO və FOTO
Fələstində baş verən son hadisələr, 20 Fevral 2023
Rəy