İranın xarici işlər naziri Beyruta səfər edib

İran İslam Respublikasının xarici işlər naziri Hüseyn Əmirabdollahian aprelin 27-də livanlı həmkarı Abdullah Buhəbib ilə görüşdən sonra birgə mətbuat konfransında keçirilən məsləhətləşmələri açıqlayıb.

O, əvvəlcə Beyrutda olmasından və livanlı həmkarının qonaqpərvərliyindən məmnunluğunu ifadə edərkən deyib: “Bu gün biz ikitərəfli məsələləri, Livanın daxili vəziyyətini, regional və beynəlxalq məsələləri müzakirə etdik. Biz bütün livanlıları prezident seçkilərini sürətləndirməyə və regionun bu mühüm ölkəsində siyasi prosesi başa çatdırmağa çağırırıq”.

Əmirabdollahian deyib: “Biz İran və Livan arasında hərtərəfli əməkdaşlığı müzakirə etdik və İran İslam Respublikasının iqtisadi, turizm, elmi-texniki əlaqələr və digər sahələri mümkün qədər gücləndirməyə hazır olduğunu vurğuladıq”.

Bu görüşdən sonra İranın xarici işlər naziri Livan hökumətinin baş naziri Nəcib Miqati ilə görüşüb və müzakirələr aparıb.

İranın xarici işlər nazirinin köməkçisi, Qərbi Asiya və Şimali Afrika məsələlərinin baş direktoru Mehdi Şüştəri, Xarici İşlər Nazirliyinin inzibati və maliyyə məsələləri üzrə müavini və İranın Beyrutdakı keçmiş səfiri Məhəmməd Fəthəli, mətbuat katibinin müavini və media diplomatiyasının baş direktoru Abdullah Nikunam Qədiri və İranın Livandakı səfiri Müctəba Əmini də iclasda iştirak edib.

Əmir Abdullahian Livan parlamentinin sədri Nəbih Berri və bir neçə digər deputatla da görüşüb və söhbət edib. İranın xarici işlər naziri bu görüşdə Nəbih Berrinin Livanın daxili siyasi səhnəsindəki rolu və səylərini yüksək qiymətləndirərək, bu ölkənin daxili problemlərinin daxili mexanizmlər və Livan siyasi cərəyanları arasında razılaşma yolu ilə həllinin zəruriliyini vurğulayıb.

O, Livanda olduğu müddətdə Fələstin İslami Cihad Hərəkatının baş katibi Ziyad Nəxxalə ilə görüşüb və söhbət edib. Bu görüşdə regionda və Fələstində baş verən son hadisələr, sionist rejimin məzlum Fələstin xalqına və Qüds şəhərindəki müqəddəs məkanlara qarşı son hücum və təcavüzləri, müqavimət dəstələri və Fələstin xalqı, xüsusilə gənclər, Fələstin xalqına qarşı bu görüşdə müzakirə olunan mövzular arasında var idi.

İranın xarici işlər naziri Livan Hizbullahının baş katibi Seyid Həsən Nəsrullah ilə də görüşüb. Tərəflər regionda baş verən son hadisələri, İran və Səudiyyə Ərəbistanı arasında diplomatik əlaqələrin bərpasına dair son razılaşmanı və bunun region ölkələrinə təsirini, Livandakı son hadisələri və Fələstindəki mövcud vəziyyəti müzakirə ediblər.

Qeyd edək ki, bu, Əmir Abdollahianın Xarici İşlər Nazirliyi vəzifəsini icra etdikdən sonra Livana dördüncü səfəridir. İranın xarici işlər naziri 2023-cü il yanvarın 12-də siyasi bir heyətin başında Livana səfər etmiş və Beyrutda olarkən bu ölkənin xarici işlər naziri və Seyid Həsən Nəsrullah da daxil olmaqla bir sıra Livan rəsmiləri ilə görüşüb söhbət etmişdir.

Daha çox oxuyun: İranın xarici işlər naziri Livana səfər edib + FOTO və VİDEO