İsrail Livanın cənubuna raket zərbələri endirib

Fələstin müqaviməti ilə sionist rejim arasında toqquşmaların ardınca İsrail ordusu Livanın cənubundakı Sur şəhərinin cənub ətraflarında Əl-Qəlilə bölgəsini 6 raketlə bombalayıb. Livandakı yerli mənbələrin açıqlamalarına görə, İsrail raketləri Əl-Qəlilə kənd təsərrüfatı sahələrinə, iki körpüyə və digər yerlərə düşüb və ciddi ziyan vurmayıb. Həmçinin bu raketlərin vurulmasından sonra bu ərazinin ətrafındakı bəzi evlərin şüşələri sınıb. Bu hücum indiyə qədər heç bir itkiyə səbəb olmayıb.

Sionist rejim ordusunun sözçüsü Daniel Haqari işğal altındakı Fələstinin şimal və cənubunda quru qoşun və artilleriya birləşmələrinin gücləndirildiyini elan edərək deyib: Livan hökuməti öz ərazisi daxilində baş verən hər hansı hadisəyə, o cümlədən raket atəşinə görə məsuliyyət daşıyır. Biz Həmasın Livandan fəaliyyət göstərməsinə icazə verməyəcəyik”.

Bu təcavüz Qəzza zolağının müxtəlif bölgələrinin ağır bombalanması ilə eyni vaxtda həyata keçirilib, Hizbullah və Livan hökumətinin buna fərqli reaksiyalar göstərəcəyi gözlənilir. Livanın müdafiə naziri Muris Səlim Livanın cənubunda gərginliyin artmasının ölkənin sabitliyinə təhlükə sayıb və Livan ordusunun istənilən təcavüzə qarşı hazır olmasından danışıb. Livanın Xarici İşlər Nazirliyi də İsrailin Livanın cənubuna təcavüzünə etiraz olaraq Birləşmiş Millətlər Təşkilatının Təhlükəsizlik Şurasına şikayət edəcəyini açıqlayıb.

Həmas hərəkatı İsrailin Livan torpaqlarına hücumunu şiddətlə pisləyib və onun həmrəyliyini və Livan xalqı ilə birlikdə olduğunu vurğulayıb. Bu hərəkat həmçinin son gərginlik və münaqişələrə görə İsrailin məsuliyyət daşıdığını bildirib və Ərəb Liqası, İslam Əməkdaşlıq Təşkilatı və Birləşmiş Millətlər Təşkilatından İsrailin cinayətlərini dayandırmaq üçün təcili tədbirlər görmələrini istəyib.

Daha çox oxuyun: İsrail ordusunun Qəzza zolağına hücumu; Müqavimət cavab verdi! + VİDEO və FOTO