İşğal altındakı Fələstinin şimalında baş verən partlayışla bağlı İsrail təhlükəsizlik qurumları birgə bəyanat yayıb + VİDEO

Martın 13-də işğal olunmuş Fələstinin şimalında yerləşən Hayfa şəhərinin cənubundakı Macdo qovşağında şübhəli partlayış baş verdikdən sonra sionist rejimin Hərbi Xəbərlərə Nəzarət İdarəsi 30 saatdan çox müddət ərzində bu əməliyyatla bağlı xəbərlərin dərcinə mane olub. Təzyiqdən sonra sionist mediasında bu hadisə ilə bağlı yalnız məhdud təfərrüatlı xəbərlər dərc olundu.

İsrail rejiminin ordusu, daxili təhlükəsizlik xidməti və polisi birgə bəyanatda bildiriblər ki, livanlı bir şəxs işğal altındakı Fələstinin sərhədlərini keçdikdən sonra Macdo qovşağında bombalı hücum təşkil edib və özü ilə intihar kəməri daşıyıb.

Sionist rejimin təhlükəsizlik qurumları iddia edir ki, bu şəxs İsrail əsgərləri ilə münaqişə zamanı öldürülüb və onun cəsədi onların əllərindədir. Bu bəyanata əsasən, sionist rejimin təhlükəsizlik aparatı artıq Livan Hizbullah hərəkatından şübhələnib və bu şəxsin Hizbullah ilə mümkün əlaqəsini araşdırır.

Xəbərlərə görə, bu xəbərin dərcindən sonra İsrail ordusu yüksək hazırlıq vəziyyətinə gətirilib və sionist rejimin baş naziri Benyamin Netanyahu bu rejimin bütün rəsmilərindən bu əməliyyatla bağlı heç bir açıqlama verməməyi tələb edib.

Qeyd edək ki, İsrail mediasının verdiyi açıqlamaya görə, İsrail ordusu bu əməliyyatın operatorunun Hizbullahla əlaqəsi olduğuna əmin deyil. Bu səbəbdən İsrailin bir sıra siyasi rəsmiləri bu əməliyyata cavab tələb etdikdən sonra İsrail rejiminin baş naziri və müdafiə naziri bunun qarşısını alıb və təmkin tələb ediblər.