Səudiyyə Ərəbistanı Yəmənin Sokotra adasına nəzarəti bərpa etmək üçün çevrilişə başlayıb
“İslam Dünyası Xəbərləri” informasiya agentliyi xəbər verir ki, Səudiyyə Ərəbistanı keçmiş Sokotra icra hakimini həmin adaya göndərərək və bir hərbi bazaya öz qüvvələrini yerləşdirərək Sokotra adasını Cənub Keçid Şurası qüvvələrindən və BƏƏ-nin nəzarətindən çıxarmaq planına başlayıb.
Səudiyyə Ərəbistanının tabeliyində olan qüvvələrin Hadibo hava limanının ətrafında yerləşən Mori bölgəsindəki yeni bazada yerləşdirilməsinin ardınca onlarla BƏƏ qüvvələri və Cənub Keçid Şurasının silahlıları döyüş hazırlığı vəziyyətinə gətirilərək Sokotra hava limanının ətrafında yerləşdirilib. BƏƏ qüvvələri və Cənub Keçid Şurasının silahlıları hava limanına gedən prospektdə yeni nəzarət-buraxılış məntəqəsi yaradıb, avtomobillərin və insanların keçidinə nəzarət edir.
Səudiyyəlilərin Sokotra adasındakı fəaliyyətləri yüksək rütbəli səudiyyəli hərbçilərin Sokotranın keçmiş icra hakimi Rəmzi Mahrosla görüşündən və onu müəyyən edilməmiş işlər üçün Sokotraya köçürməsindən sonra başlayıb.
Cənub Keçid Şurasına aid medialar hesab edir ki, Səudiyyə Ərəbistanı Sokotra adasına nəzarət etmək üçün BƏƏ-yə qarşı çevriliş planlaşdırır və bununla bağlı Rəmzi Mahrosu və İslah Partiyasının bir sıra silahlılarını bu adaya köçürüb.
Rəmzi Mahros 2020-ci ilin iyununda Cənub Keçid Şurasının silahlıları ilə gərginlikdə məğlub olan və bu adanı tərk edən İslah Partiyasının üzvü və Sokotra arxipelaqının keçmiş icra hakimidir.
Qeyd edək ki, Sokotra arxipelaqı hazırda BƏƏ və Amerika və İsrail müşavirlərinin nəzarətindədir və onun mərkəzi Sokotra adasıdır. Sokotra adasının dəniz yoluna və təbii sərvətlərinə nəzarətdə mühüm rol oynaması Səudiyyə Ərəbistanının bu adaya nəzarət etmək cəhdinin səbəblərindən biridir.
Daha çox oxuyun: BƏƏ Əbd Əl-Kuri adasının sakinlərini məcburi təxliyə edib
Rəy