İlk dəfə olaraq Odessanın cənubuna hücumda rus ordusu pilotsuz kamikadze qayıqdan istifadə etdi + VIDEO

Fevralın 10-da axşam saatlarında Rusiya ordusu Odessa vilayətinin cənubunda yerləşən Zatoka bölgəsinin sahilindəki strateji körpünü pilotsuz kamikadze qayıqdan istifadə edərək hədəfə alıb və körpüyə ziyan vurub.

Zatoka körpüsü avtomobil və dəmir yolu hissəsinə və cənubdan Rumıniyadan Odessa və Ukraynaya hərbi texnikanın göndərilməsi üçün əsas marşrut kimi istifadə edilməsinə görə xüsusi əhəmiyyət kəsb edir.

Rusiya ordusunun Zatoka körpüsünə hücumundan bir neçə saat sonra Odessa şəhəri rəsmiləri Ukraynanın cənubundakı əməliyyat komandanlığına istinadən Rusiyanın iki Su-24 qırıcısının İlan adasına 4 raket atdığını açıqlayıb. Bununla bağlı əlavə məlumat verilməyib. Rus ordusu 2022-ci il iyulun 1-də İlan adasından geri çəkildikdən sonra Qara dənizdə Ukrayna sahillərinə ciddi hücum etməmişdir və bu hücum Zatoka körpüsünə hücumla yanaşı, Ukrayna sahillərinə qarşı yeni təhlükələrin başlanğıcıdır.

Rusiyanın Zatoka körpüsünə hücumundan sonra Ukrayna Silahlı Qüvvələrinin Ali Baş Komandanı Valeri Zalojeni, ABŞ-ın Birləşmiş Qərargah Rəisləri Komitəsinin rəhbəri general Mark Millli ilə telefon danışığında Rusiya ordusunun Zatoka körpüsünə hücumda pilotsuz kamikadze qayıqdan istifadə etdiyini bildirib.

Hələlik bu hücumda istifadə edilən pilotsuz kamikadze qayığın adı və növü ilə bağlı dəqiq məlumat dərc olunmayıb, lakin Rusiya Hərbi Dəniz Qüvvələrinin artan Moskva-Tehran hərbi əməkdaşlığının kölgəsində İran istehsalı olan pilotsuz kamikadze qayığın istifadə etməyə başlaması ehtimalı var.