Orta Asiyada baş verən son hadisələr, 14 Fevral 2023

Əfqanıstan:
1- Bədəxşan:
Fevralın 10-da əməliyyat zamanı Taliban kəşfiyyat idarəsinin silahlıları Bədəxşan vilayətində İŞİD terror qruplaşmasının təbliğat zabiti İkrame ləqəbli İdris Ömərzadəni həbs ediblər.

2- Kabil:
Fevralın 13-də 8-ci rayonda yerləşən Karte Nu məhəlləsinin ikinci küçəsində Taliban silahlılarının İŞİD sığınacağına hücumu nəticəsində 10 İŞİD üzvü öldürülüb, 5-i qadın və 9 uşaq olmaqla 15 nəfər həbs edilib.

3- Faryab:
Fevralın 11-də Talibanın yerli komandirlərindən olan Moləvi Əbdül Baqi Omari komandanlığı altında 200-dən çox silahlı şəxslə birgə Belçerağ rayonunda toplaşaraq Taliban hökumətinin etnik məsələlərə və dilə görə tətbiq etdiyi ayrıseçkiliklərə görə bu qrupdan ayrılaraq İŞİD-ə qoşulmaqla hədələyib.

4- Qəndəhar:
Fevralın 11-də naməlum silahlı şəxslərin (ehtimal ki, Təhrik-e-Taliban Pakistan) Pakistanın Kvetta şəhərində Əfqanıstanın əvvəlki hökumətində Qəndəhar əyalətinin Cari şəhərinin təhlükəsizlik komandiri olan Əbdül Bəsir Açakzainin olduğu avtomobilə atəş açması nəticəsində 4 nəfər həlak olub və yaralanıb.

5- Fevralın 10-da Çinin Birləşmiş Millətlər Təşkilatının Təhlükəsizlik Şurasındakı daimi nümayəndəsi Jang Cun bu şuranın iclasında İŞİD-in region və dünya üçün mümkün təhlükəsi barədə deyib: “İŞİD Əfqanıstana və bölgəyə qayıdır”. Jang Cun həmçinin İŞİD terror qruplaşması ilə Türküstan İslam Hərəkatının birgə təbliğatı və hərbi və əməliyyat mübadilələri ilə bağlı narahatlığını ifadə edib və Talibandan Əfqanıstanda terrorçu qrupların birləşməsinin qarşısını almaq üçün hərəkətə keçməsini tələb edib.

6- Fevralın 11-də Birləşmiş Millətlər Təşkilatı verdiyi bəyanatında deyib: “İŞİD-in Xorasan qolu Talibanı təcrid etmək üçün Çin, Hindistan və İranın Kabildəki səfirliklərini terror hücumları ilə hədələyib”.

7- Fevralın 14-də Kollektiv Təhlükəsizlik Müqaviləsi Təşkilatının Birləşmiş Qərargahının rəhbəri Anatoli Sidorov mətbuat konfransı zamanı deyib ki, İŞİD terror qruplaşmasının Xorasan qolunun Əfqanıstandakı döyüşçülərinin sayı 6500 nəfərdir və onların 4000-i Bədəxşan, Qunduz və Təxar əyalətlərində, Tacikistanın cənub sərhədləri yaxınlığında cəmləşib.

Daha çox oxuyun: İnfoqrafik: Əfqanıstanda Taliban mövqeləri əleyhinə olan hava hücumları

Tacikistan:
1- Fevralın 9-da ABŞ Energetika Nazirliyi “Yaşıl Sərhəd Təhlükəsizliyi” Layihəsi əsasında Tacikistanın Əfqanıstanla sərhədi boyunca infrastrukturunu gücləndirmək məqsədi ilə hərbi-texniki yardım, o cümlədən hərbi geyimlər, zirehli jiletlər, dağlıq ərazilərdə əməliyyat ləvazimatları, minatəmizləmə üçün xüsusi qoruyucu geyim, iki gözlü və bir gözlü kameralar, xüsusi hərbi maşınlar, qeyri-qanuni hərəkəti aşkar etmək və nüvə və radioaktiv materialları aşkar etmək üçün həssas avadanlıqların yerləşdiyi nəqliyyat vasitələrini Tacikistanın Dövlət Milli Təhlükəsizlik Komitəsinə təqdim edib.

2- Fevralın 11-də Tacikistanın xarici işlər naziri Siracuddin Mehredin Avropa İttifaqının nümayəndə heyətinin rəhbəri Raimondas Karubilis ilə görüşüb, ikitərəfli əməkdaşlığın inkişafı və digər maraq doğuran mövzuları müzakirə edib.

Daha çox oxuyun:
Türkiyə NATO-nun Tacikistandakı nümayəndəsi seçilib
Amerika Tacikistanda mülki qanunlardakı dəyişikliklərə dəstək verdi

Pakistan:
1- Hayber-Paxtunxva:
– Fevralın 12-də Şimali Vəziristan bölgəsinin Mir Əli Təhsil məntəqəsində Pakistan ordusunun hərbçilərini daşıyan avtomobilə Təhrik-e-Taliban Pakistan (TTP) silahlılarının kamikadze hücumu nəticəsində 4 pakistanlı əsgər həlak olub, 22 nəfər o cümlədən, Pakistanın “MPCL” neft şirkətinin 15 əməkdaşı yaralanıb.

– Fevralın 8-də Pakistan ordusu qüvvələrinin Şimali Vəziristan bölgəsində yerləşən Laki Mərvat-Tank marşrutu üzrə Təhrik-e-Taliban Pakistan (TTP) silahlılarını daşıyan maşını pusquya salması nəticəsində 12 nəfər, aralarında bu qruplaşmanın silahlı qanadı Qari Əzhəruddinin cəbhə komandiri olan Həsən Ərəf Zərrar da daxil olmaqla Təhrik-e-Taliban qruplaşması üzvləri öldürülüb. Həmçinin, bir neçə Kalaşnikov silahı, çoxlu sursat və əfqan pulu da Pakistan ordusunun əlinə keçib.

2- Bəlucistan:
Fevralın 10-da Kohlu məntəqəsində Pakistan Ordusunun (FC) sərhəd qüvvələrini daşıyan maşının yolunda bomba partlaması nəticəsində 5 Pakistan əsgəri həlak olub və yaralanıb.

Daha çox oxuyun: Pakistanda terror aktını törədən kamikadze kim olub? + VİDEO