Yəməndə baş verən son hadisələr, 14 Yanvar 2023

1- Səədə:
– Səudiyyə koalisiyasının dronları Səudiyyə Sərhəd Mühafizəsinin Səədə vilayətinin Şədda rayonuna raket hücumları ilə eyni vaxtda bu ərazini üç dəfə bombalayıb. Bu hücumlar nəticəsində bir yəmənli şəhid olub. Onlayn xəritədə baxın
– Səudiyyə koalisiyasının yanvarın 12 və 13-də atəşə tutması və artilleriya hücumları nəticəsində Şədda və Mənbih rayonlarında 1 nəfər şəhid olub, 10 nəfər yaralanıb.

2- Əl-Hudəydə:
– Səudiyyə koalisiya qüvvələri bu əyalətdə son 48 saat ərzində atəşkəs rejimini 196 dəfə pozub.
– Son 48 saat ərzində Səudiyyə koalisiyasının dronları Ənsarullahın Hays rayonundakı mövqelərini 19 dəfə bombalayıb.
– Əl-Təhita və Əl-Dureyhəmi rayonları arasında yerləşən Əl-Hərb məntəqəsində Səudiyyə koalisiya qüvvələrinin yerləşdirdiyi minanın partlaması nəticəsində iki mülki şəxs şəhid olub.

3- Sənaa:
Yanvarın 12-də Yəmənin Ali Siyasi Şurasının rəhbəri Mehdi Əl-Məşşat Omanın kral heyəti ilə görüşüb və Yəmənin sülh danışıqlarındakı məsələləri müzakirə edib. Ənsarullahın sözçüsü və Yəmən hökumətində danışıqlara məsul şəxs olan Məhəmməd Əbdülsəlamın sözlərinə görə, bu görüş əvvəlki görüşlərin davamıdır və Oman Sultanı Heysəm bin Tariqin mesajlarını Ənsarullah rəsmilərinə çatdırır.

4- Ədən:
– Yanvarın 13-də Səudiyyə Ərəbistanı Hərbi Hava Qüvvələrinə məxsus Lockheed C-130 Hercules hərbi-nəqliyyat təyyarəsi Ədən hava limanına hərbi yük çatdırıb. Səudiyyə Ərəbistanı Cənub Keçid Şurasının (STC) təsirini azaltmaq üçün son vaxtlar öz qüvvələrini Yəmənin cənubundakı mühüm baza və mövqelərə yerləşdirib. Bu uçuşlar həm də bu qüvvələrin logistik təminatına uyğundur.

5- Əl-Bəyda:
Yanvarın 8-də Cənub Keçid Şurasının Əl-Bəyda əyaləti ilə Ləhic əyalətinin şimal-şərqi arasında yerləşən Əl-Həbəc məntəqəsində Ənsarullahın mövqelərinə silahlı hücumu nəticəsində iki cənublu silahlı öldürülüb, bir neçə nəfər yaralanıb. Onlayn xəritədə baxın

6- Həzərmut:
– Yanvarın 9-da Sion şəhərinin cənubunda yerləşən Cəsmə məntəqəsində baş verən partlayış nəticəsində Yəmənin istefa vermiş hökumətinin təhlükəsizlik qüvvələrindən biri həlak olub. Bu hücuma görə məsuliyyəti heç bir qrup öz üzərinə götürməyib. Onlayn xəritədə baxın
– Dünən, yanvarın 9-da BƏƏ-nin nəqliyyat təyyarəsi Həzərmut əyalətindəki Əl-Rəyyan hərbi bazası hava limanında öz silah yükünü, o cümlədən avtomobillərin ehtiyat hissələri və hərbi texnikanı, eləcə də külli miqdarda döyüş sursatını boşaldıb.
Qeyd edək ki, Əl-Rəyyan bazası BƏƏ və amerikalı və israilli müşavirlərin işğalı altındadır. Onlayn xəritədə baxın

7- Sokotra:
Sokotra adasındakı yerli mənbələrin verdiyi məlumata görə, Əcman Əmirliyinin BƏƏ-dəki hakiminin nümayəndəsi İvəz Əl-Cənibi amerikalı müşavirlərlə birlikdə Sokotra adasındakı Hədibu məntəqəsinə səfər edib və işçilərlə görüş keçirdikdən sonra BƏƏ-nin kəşfiyyat qolu olan “Xəlifə Fondu”nun əməkdaşları ilə Abdul Kuri adasına gediblər. Əmirliyin bu rəsmisi əcnəbi zabitlərlə birlikdə Əbdül Kuri adasında hərbi bazanın tikinti prosesinə baş çəkib. Onlayn xəritədə baxın

8- Əbyən:
Yanvarın 11-də, İslah partiyasına bağlı Cənub Müqavimət Qrupunun (Əl-Muqavəmə Əl-Cənubiyyə) tərəfdarları və silahlı şəxslərin Cənub Keçid Şurasına bağlı Hizam əl-Əmni qüvvələrinin hərbi bazasına hücumundan sonra ən azı Lovdar rayonu mərkəzində hər iki tərəfdən 10 nəfər ölüb və yaralanıb. Hizam əl-Əmni qüvvələri qaçdıqdan sonra “İslah” partiyasının tərəfdarları bazanın silah anbarını ləvazimatları ilə birlikdə qənimət götürüb, maşınlarını və hərbi texnikasını yandırıblar.

Daha çox oxuyun: İslah partiyasının tərəfdarları Yəmənin Əbyən əyalətinin şimalındakı Hizam Əl-Əmni bazasına hücum ediblər + FOTO

9- Yanvarın 6-da ABŞ Hərbi Dəniz Qüvvələri Oman körfəzində Yəmən üçün 2100 İran silahı daşıyan gəmini ələ keçirdiyini iddia etdi. ABŞ Hərbi Dəniz Qüvvələrinin bəyanatına görə, bu əməliyyat yanvarın 6-da USS Chinook sahil patrul gəmisi tərəfindən həyata keçirilib və bu gəminin yəmənli heyəti Yəmən sularına çatdıqdan sonra istefa vermiş hökumətə təhvil veriləcək.

Daha çox oxuyun: Amerika terror ordusu: İranın Yəmənə göndərdiyi silah daşıyan gəmini ələ keçirdik! + FOTO