Rusiya, Suriya və Türkiyə xarici işlər nazirlərinin Moskvadakı ehtimal olunan görüşü təkzib edildi
“İslam Dünyası Xəbərləri” informasiya agentliyi xəbər verir ki, Suriya qəzetlərindən biri Rusiya, Suriya və Türkiyə xarici işlər nazirlərinin Moskvada gözlənilən görüşü ilə bağlı dərc olunan xəbərləri təkzib edib.
Suriyanın “Əl-Vətan” qəzeti Suriya, Türkiyə və Rusiya xarici işlər nazirlərinin çərşənbə günü Moskvada görüşü barədə xəbəri təkzib edib. Bu qəzet yazıb: “Hələlik Suriya və Türkiyə xarici işlər nazirlərinin görüşü üçün konkret vaxt təyin olunmayıb və indiyə qədər dərc olunanların hamısı əsassızdır”.
“Əl-Vətan” qəzetinin yazdığına görə, bu görüşün keçirilməsi keçən ayın sonunda Suriya, Rusiya və Türkiyə müdafiə nazirlərinin üçtərəfli görüşündən sonra yaradılmış xüsusi komitənin fəaliyyətindən asılıdır və bu komitənin məqsədi də yuxarıda qeyd olunan iclasın qərarlarının düzgün icrasını təmin etməkdir.
Türkiyə Prezident Aparatının sözçüsü İbrahim Kalın bir müddət əvvəl bəyan etmişdi: “Türkiyə Suriya hökuməti ilə öz maraqları və Suriya xalqı ilə görüşlər prosesini davam etdirəcək və bu prosesin növbəti hiss olunan addımları, danışıqların keyfiyyətini müəyyən edəcək”.
Qeyd edək ki, bir neçə gün əvvəl Türkiyə mətbuatında Suriya, Türkiyə və Rusiya arasında bu ayın ikinci yarısında BƏƏ-də üçtərəfli görüşün keçirilə biləcəyi ilə bağlı xəbərlər yayılmışdı.
Daha çox oxuyun: Suriya, Rusiya və Türkiyə xarici işlər nazirlərinin görüşünün ikinci mərhələsinin keçirilməsi ehtimalı var
Rəy