Qəndəhar sərhədində Taliban və Pakistan ordusu arasında yenidən qarşıdurma yaşanıb
“İslam Dünyası Xəbərləri” informasiya mərkəzi xəbər verir ki, Qəndəhar əyalətinin sərhəd bölgələrində son Taliban fəaliyyətlərindən sonra Pakistan sərhədçiləri Taliban silahlıları arasında saatlarla qarşıdurmalar davam edib.
Dünən günortadan sonra Qəndəhar əyalətinin Spin Boldak-Çaman sərhəd-keçid məntəqəsində Taliban və Pakistan sərhədçiləri arasında baş verən qarşıdurmada ən azı 2 nəfər ölüb, 23-dən çox insan yaralanıb.
Artıq münaqişə başa çatıb və hər iki tərəf problemin həlli üçün danışıqlar aparıb. Amma Qəndəhardakı yerli mənbələr Taliban qüvvələrinin sərhəd bölgələrinə yerləşdirildiyini bildirib. Mənbələr həmçinin bildiriblər ki, dünənki qarşıdurmalara səbəb Taliban tərəfindən Viş sərhəd bölgəsində nəzarət-buraxılış məntəqəsi tikintisi və yol tikintisidir.
Həmişə olduğu kimi, Taliban münaqişənin təfərrüatlarını açıqlamaqdan imtina edib və itkilər hələ müəyyən edilməyib.
Viş bölgəsi Qəndəhar əyalətinin sərhədləri daxilində, Pakistanın qaçaqmalçılıq yolu ilə Əfqanıstana gətirilən mallarının çoxunun buradan gətirildiyi ticarət ərazisidir. Ona görə də demək olar ki, dünənki münaqişə bu regionda insan alveri məsələsi ilə sıx bağlıdır.
Rəy