Fələstində baş verən son hadisələr, 27 Dekabr 2022

– Dekabrın 20-də xərçəng xəstəliyindən əziyyət çəkən və vəziyyəti ağır olan 50 yaşlı fələstinli əsir Nasir Əbu Həmid işğal olunmuş ərazilərdə İsrailin Asav Herviyah xəstəxanasında şəhid olub.
– Əsir Nasir Əbu Həmidin anası onun şəhadətinə ilk reaksiyada belə deyib: Şəhidlik Nasirin arzusu idi və son görüşümüzdə dedi ki, mənim arzum şəhadətdir və mən də qardaşım Şəhid Əbdül Muniim və digər şəhidlərə qoşulmaq istəyirəm.
– 2022-ci ilin əvvəlindən sionist rejimin həbsxanalarında dörd fələstinli əsir dünyasını dəyişib.
– Dekabrın 20-də İsrail ordusu işğal olunmuş Fələstin sərhədlərində livanlılara məxsus kvadrokopteri vurduğunu iddia edib.
– Dekabrın 20-də İsrail əsgərləri Betlehəm şəhərindəki “Vadi Muala” ərazisinə basqın edərək axtarışda olan fələstinli döyüşçünün evini mühasirəyə aldılar.
– Dekabrın 20-də İsrail rejiminin Xarici İşlər Nazirliyi ötən bir ay ərzində Qazaxıstan, Özbəkistan, Tacikistan, Qırğızıstan və Türkmənistandan iki diplomatik nümayəndə heyətini qəbul edib və onlarla sərhəd məsələləri, terrorizm və narkotiklərlə mübarizə, kibertəhlükəsizlik, çirkli pulların yuyulması və s. mövzularda müzakirə edildiyini bildirildi.

Daha çox oxuyun: İsraillə Orta Asiya ölkələri arasında mühüm görüş keçirilib

– Dekabrın 22-də səhər saatlarında İsrail əsgərlərinin İordan çayının qərb sahilindəki Nablus şəhərinə hücumundan sonra bir fələstinli gənc şəhid olub, beş nəfər yaralanıb.

Daha çox oxuyun: Sionistlərin Nablusa hücumları nəticəsində fələstinli gənc şəhid olub + FOTO

– İsrail mediası “Dini Sionizm” radikal partiyasının ruhani lideri ravvin “Haim Drukman”ın 90 yaşında vəfat etməsi barədə məlumat yayıb.
– Dekabrın 24-də Fələstin müqaviməti hərbi qüdrətini gücləndirmək üçün raket sınaqlarını davam etdirmək məqsədilə dənizə doğru 3 raket atıb.
– Dekabrın 26-da İsrail rejiminin təhlükəsizlik qurumlarının davamlı əməliyyatlarına baxmayaraq, Fələstin müqavimət dəstələri 24 saat ərzində işğal altındakı İordan çayının qərb sahili və Qüdsdə 14-dən çox anti-sionist əməliyyat həyata keçirib. Bu münaqişələrlə eyni vaxtda 5 fələstinli sionist rejimin təhlükəsizlik qüvvələri tərəfindən İordan çayının qərb sahilində anti-İsrail əməliyyatları keçirməyə cəhd ittihamı ilə həbs edilib.

Daha çox oxuyun: İordan çayının qərb sahilindəki hərbi münaqişələrdən ən son xəbərlər, 26 Dekabr 2022

– İsrail mediasının elanına görə, gələn cümə axşamı təzə baş nazir Benyamin Netanyahunun rəhbərliyi altında İsrail rejiminin yeni hökumətinin andiçmə mərasimi keçiriləcək.
– İordan çayının qərb sahilində ötən həftə, bu ilin günləri, həftələri və ayı baxımından ən çox say baxımından münaqişə olan həftədir. Statistikaya əsasən, ötən həftə 5 fələstinli şəhid olub və sionist rejimə qarşı 302 əməliyyat qeydə alınıb.

– İsrail qəzeti Yedioth Ahronoth 2022-ci ildə ən azı 14 İsrail əsgərinin intihar etdiyini açıqlayıb.