Taliban və Pakistan ordusu arasında sərhəddə baş verən toqquşmada 47 nəfər ölüb və yaralanıb + VİDEO
“İslam Dünyası Xəbərləri” informasiya agentliyi xəbər verir ki, Spin Buldak rayonunun sərhəd bölgələrində Taliban və Pakistan ordusu arasında baş verən silahlı qarşıdurma zamanı azı 10 mülki şəxs həlak olub, 37-dən çox insan yaralanıb.
Dekabrın 11-də səhər saatlarında Taliban silahlıları ilə Pakistan ordusunun sərhədçiləri Qəndəhar əyalətinin Spin Buldak rayonunda yerləşən Şiro Obo kəndində baş verən toqquşma zamanı dörd əfqan mülki və altı pakistanlı mülki şəxs həlak olub, 20-dən çox əfqanlı və 17-dən çox pakistanlı yaralanıb. Yerli mənbələrin verdiyi məlumata görə, tərəflər arasında münaqişə və atışma bir saatdan sonra bitib və yaralılar müalicə üçün xəstəxanaya aparılıb. Taliban silahlılarının və Pakistan sərhədçilərinin dəqiq itkiləri hələlik müəyyən edilməyib.
Spin Buldak-Çaman sərhəd-keçid məntəqəsi Torxam keçidindən sonra Əfqanıstan və Pakistan arasında ikinci ən mühüm sərhəd keçid məntəqəsidir. Bu, qrupun Əfqanıstanda hakimiyyətə gəlişindən sonra Pakistan ordusu ilə Taliban arasında beşinci ciddi münaqişədir.
Daha çox oxuyun:
Orta Asiyada baş verən son hadisələr, 21 Noyabr 2022 (Xərlaçi kəndində Taliban və Pakistan ordusu arasında sərhəd toqquşması)
Orta Asiyada baş verən son hadisələr, 15 Noyabr 2022 (Spin Buldak-Çaman keçid sərhəd məntəqəsində Taliban və Pakistan ordusu arasında sərhəd toqquşması)
Rəy