ABŞ-ın Azərbaycandakı səfiri Gəncədə – İki ölkə arası əməkdaşlıq artır

Çərşənbə, 23 Fevral 2022 - 20:23
https://az.iswnews.com/?p=1624

Səfir Li Litzenberqer: “ABŞ Azərbaycanla əməkdaşlığı bundan sonra da davam etdirəcək.”

“İslam Dünyası Xəbərləri” informasiya mərkəzi APA-ya istinadən xəbər verir ki, ABŞ-ın Azərbaycandakı səfiri Li Litzenberqer bildirib: Mən bu gün Gəncədə olmaqdan məmnunam. O deyib ki, Gəncəyə səfər etməkdə məqsəd texniki sertifikatlaşdırma proqramının məzunlarını təbrik etmək olub.

“Düşünürəm ki, bu məzunlar ən keyfiyyətli fındığın istehsalına töhfə verəcəklər. Bu gün məzun olan 35 iştirakçı 3 aylıq proqramda iştirak edib. Bu proqram çərçivəsində onlara fındıq becərilməsinin ən qabaqcıl metodları və texnologiyası öyrədilib. Bu proqram USAİD, İtaliyanın qənnadı şirkəti “Ferrero” və Azərbaycan Dövlət Aqrar Universitetinin birgə əməkdaşlığı çərçivəsində həyata keçirilib. Mən çox şadam ki, bu gün biz Azərbaycana qabaqcıl bilik və bacarıqlara yiyələnmiş 35 aqronom qazandırırıq. Bu, proqramımızın ilk məzun qrupudur. Azərbaycan öz iqtisadiyyatını inkişaf etdirdikcə, rifahını yüksəltdikcə, biz bu əməkdaşlığımızı bundan sonra da davam etdirəcəyik. Bildiyiniz kimi bu il Azərbaycan və ABŞ diplomatik əlaqələrin qurulmasının 30-cu il dönümünü qeyd edirik. Belə proqramların həyata keçirilməsində iştirak etmək ABŞ səfiri olaraq mənə qürur hissi verir. Azərbaycanın ikinci ən böyük şəhəri Gəncəyə səfər etmək mənim üçün hər zaman xoşdur”, – amerikalı diplomat vurğulayıb.

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.