İsrail MRAP-ları Ukraynada! + FOTO

Ukrayna mətbuatı Ukraynanın Xerson cəbhəsində sionist rejimin hazırladığı “Gaia Amir” MRAP tipli hərbi maşını yerləşdirilməsinin şəkillərini yayıb. Bu ilk dəfədir ki, Ukrayna hərbçiləri Rusiya ilə müharibədə açıq şəkildə İsrail istehsalı olan zirehli texnikalardan istifadə edir. “Gaia Amir” MRAP-ı yaralıları daşımaq, kəşfiyyat və logistika ehtiyaclarını ödəmək üçün Gaia şirkəti tərəfindən hazırlanmış və istehsal edilmiş çoxməqsədli mina əleyhinə zirehli maşındır. Bu SUV kommersiya Ford F-550 şassisinə, müstəqil asma sisteminə və 12 nəfəri daşımaq qabiliyyətinə malikdir.

Bəzi İsrail mənbələri də Ukraynada İsrail zirehli texnikasının şəkillərinin dərcindən sonra bununla bağlı dərc olunan xəbər və şəkilləri “təsdiqlənməmiş” kimi qiymətləndiriblər.

Hələlik bu təchizatın işğal olunmuş Fələstindən Ukraynaya aparılması qaydası və vaxtı ilə bağlı heç bir məlumat dərc edilməyib. Həmçinin İsrail rejimi və Ukrayna rəsmiləri bununla bağlı heç bir açıqlama verməyib.

Rusiya rəsmilərinin Ukraynaya hərbi silah göndərməməsi ilə bağlı İsrailə ciddi xəbərdarlıq etməsindən bir müddət sonra sionist rəsmiləri Ukraynaya heç bir silah göndərməyəcəklərini və Kiyevə yalnız tibbi, mülki və s. avadanlıq göndərəcəklərini bildirmişdilər. Buna baxmayaraq, bu görüntülərin dərci Rusiya ilə İsrail rejimi arasında siyasi və diplomatik münasibətlərə mütləq təsir göstərəcək və rusların bu məsələyə mümkün reaksiyası yaxın günlərdə müəyyənləşəcək.