Yəməndə baş verən son hadisələr, 5 Noyabr 2022

Şənbə 5 Noyabr 2022 - 23:48
https://az.iswnews.com/?p=15067

“İslam Dünyası Xəbərləri” informasiya agentliyi xəbər verir ki, Əl-Əmaliqə qüvvələri Şəbvə vilayətinin səmasında Ənsarullaha məxsus “Mirsad” kəşfiyyat dronunu vurub.

1- Həzərmut:
Noyabrın 2-də Kanadanın “Kalwali” şirkəti nəzarəti altında olan ərazilərdə fövqəladə vəziyyət elan edib və bu vilayət səhrasındakı bütün neft yataqlarının prosesini dayandırıb. Bu şirkət Həzərmut səhrası və dərəsində ən böyük neft çıxaran şirkətdir.

2- Şəbvə:
Noyabrın 3-də Əl-Əmaliqə qüvvələri Şəbvə əyalətinin səmasında Ənsarullaha məxsus kəşfiyyat dronunu vurub. Bu dronun dağıntılarının təfərrüatlarına görə, Mirsad kəşfiyyat dronudur. Mirsadın görünüşünə görə, ehtimal verilir ki, bu dron İranın Saye və ya Yəsir dronlarından ilhamlanaraq icad edilib.

3- Təiz:
Noyabrın 3-də Zabab bölgəsinin sahilində balıqçı qayığının aşması nəticəsində 6 yəmənli balıqçı həlak olub. Yerli mənbələr bu qayığın BƏƏ qüvvələrinin hücumuna məruz qaldığını iddia edir.

4- Mərib:
Vadi Ubeydə, Ən-Nəcdə və Ər-Rakə stansiyaları ərazilərində silahlı qəbilələrlə istefa vermiş hökumətin prezident mühafizə qüvvələri arasında baş verən toqquşmalardan sonra vasitəçilik komitəsinin rəhbəri Şeyx Məhəmməd Möhsün bin Cəlal da daxil olmaqla altı nəfər həlak olub və 10-dan çox insan yaralanıb.

5- Əl-Hudəydə:
Səudiyyə koalisiya qüvvələri bu əyalətdə son 48 saat ərzində atəşkəs rejimini 103 dəfə pozub.

6- Əl-Məhrə:
Noyabrın 1-də ABŞ Hərbi Dəniz Qüvvələrinin Əl-Məhrə vilayətinin sahillərində yəmənli balıqçıların qayığına hücumu nəticəsində 3 nəfər ölüb və yaralanıb.

7- Əbyən:
Noyabrın 4-də Əl-Məhfəd rayonunda Hizam Əl-Əmni qüvvələrini daşıyan avtomobilin yolunda bombanın partlaması nəticəsində 2 nəfər ölüb, 4 nəfər yaralanıb.

8- Sokotra:
Sokotra adasındakı yerli mənbələr peyk görüntülərinə istinadən BƏƏ-nin Əbdül Kuri adasında hava limanı tikmək niyyəti və səyi olduğunu iddia edib.

Paylaş:
Rəy

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

ISWnews-də Reklam